Mga Kapamilya sa Eskwela,

Mga guro, magulang, mga kapwa Pilipino at mga bata. Para tuloy-tuloy ang pag-aaral sa bahay, ongoing pa rin ang EduKalidad sa Kalamidad kasama ang Department of Education at Knowledge Channel Foundation para magpalabas ng mga educational shows sa Knowledge Channel base sa fourth quarter curriculum ng DepEd.

Kaya mag “Stay at Home, Learn at Home” muna tayo mga bata at magulang! Kaya nating matuto kasama ang Knowledge Channel at internet. Huwag lalabas kung hindi naman kailangan at sa pagkakataong kailangan lumabas, siguraduhin na sumunod sa social distancing.

Gumagawa rin kami ng mga hakbang para mabigyan kayo ng kaalaman at pag-iingat sa COVID-19 disease.

Mga bata, mga magulang, at mga guro, tulungan natin ang pamahalaan. Turuan natin ang ating mga kababayan na sumunod sa enhanced community quarantine para labanan ang COVID-19.

Muli, “stay at home, learn at home”. Kasama ninyo ang Knowledge Channel Foundation sa pag-ahon sa pagsubok na ito.