Interpreted by “Asia’s Soul Supreme” KZ Tandingan, the universal dance-pop yet distinctively Filipino track about easily catching feelings for someone was named Best Song.
KZ, panalo uli bilang interpreter ng pinakabagong Himig Best Song
Ang napapanahon at relatable na kantang isinulat ni Danielle Balagtas na “Marupok” ang itinanghal na “Best Song” sa pinakamalaking songwriting competition sa bansa, ang Himig 11th Edition ng ABS-CBN.
Interpreter ng may tatak Pinoy na dance-pop track tungkol sa mabilis na pag-‘fall’ sa isang tao ang “Asia’s Soul Supreme” na si KZ Tandingan, na nagpanalo sa composer nitong si Danielle ng P300,000 at house and lot mula sa Lumina Homes.
“Gusto ko na maging symbol ito sa isang babae na kahit label-an siya na ‘marupok’, lahat tayo ay may kapasidad na mag-grow at maging empowered women,” ani Danielle.
Ayon naman kay KZ na unang nanalo bilang interpreter sa Himig Handog 2014 para sa Best Song na “Mahal Ko o Mahal Ako” ni Edwin Marollano, “’Marupok’ is a song na pinakamalapit kung sino ako as an artist, so kung 'di man siya naisama sa Himig, this would definitely still be part of my album. Para siyang sinulat para sa akin.”
Nanalo rin ang music video ng “Marupok” na idinirek ni Gelo Yellow ng “MYX Choice for Best Music Video” special award na may P25,000 cash prize.
Samantala, ang entry ng magkapatid na sina John Francis at Jayson Franz Pasicolan na “Kahit Na Masungit” ang pinangalanang 2nd Best Song, kung saan nanalo sila ng P200,000. Sina Jeremy G at Kyle Echarri ang orihinal na umawit sa kanta, pero ipinerform ito nang live ni Bugoy Drilon sa finals night.
Napunta naman ang 3rd Best Song sa Best Song winner noong 2019 na si Dan Tañedo para sa Himig 11th Edition entry niyang “Ibang Planeta” na binigyang-buhay ni ZILD. Mag-uuwi siya ng P150,000 na premyo.
Ang “Ang Hirap Maging Mahirap” ni Kenneth Reodica ang 4th Best Song, na may P100,000 cash prize. Ini-record nina Davey Langit at Kritiko ang awitin, pero ang “Tawag ng Tanghalan” season 4 grand champion na si JM Yosures at Kritiko ang nag-perform nito sa finale ng kompetisyon.
Ang power ballad ni Daryl Cielo na “Kulang Ang Mundo” na in-interpret ni Sam Mangubat naman ang nag-uwi ng 5th Best Song na may P80,000 cash prize.
Panalo rin ng dalawang special awards na “MOR Entertainment Choice” at “TFC’s Global Choice” ang entry ni SJ Gandia na “Tinadhana Sa’Yo” na kinanta ni Zephanie. Makakatanggap si SJ ng P25,000 at 1,000 USD para sa dalawang awards.
May P25,000 cash prize din si David Mercado dahil ang komposisyon niyang “Kahit Kunwari Man Lang” na kinanta ng Agsunta at ni Moira Dela Torre ang “Most Streamed Song,” habang nanaig naman sa botohan bilang “Himig TikTok Choice” ang entry ni Mariah Moriones na “Tabi-Tabi Po” na in-interpret ni JMKO matapos itong makakuha ng 8,179 votes sa TikTok.
Unang napanood ang finals night ng Himig 11th Edition sa KTX.ph nitong Linggo (March 21) kasama sina Edward Barber, Jayda, at Jona bilang hosts. Naging isang malaking selebrasyon ng OPM ang gabi dahil sa handog na pagtatanghal nina Jona, Jayda, Bugoy Drilon, Liezel Garcia, Sheryn Regis, Nyoy Volante, at Jed Madela.
Ipagmalaki ang OPM at pakinggan ang Himig 11th Edition compilation sa Spotify at sa iba’t ibang digital music streaming platforms sa mga susunod na araw. Para sa iba pang detalye, bisitahin ang https://www.facebook.com/Himig2020 sa Facebook o sundan ang Star Music sa Facebook (www.facebook.com/starmusicph), at sa Twitter at Instagram (@StarMusicPH).
***
FULL LIST OF HIMIG 11TH EDITION WINNERS
Best Song: “Marupok”
Composer: Daniella Ann Balagtas
Interpreter: KZ Tandingan
2nd Best Song: “Kahit na Masungit”
Composer: John Francis and Jayson Franz Pasicolan
Interpreters: Jeremy G and Kyle Echarri
Live performance by: Bugoy Drilon
3rd Best Song: “Ibang Planeta”
Composer: Dan Tañedo
Interpreter: Zild
4th Best Song: “Ang Hirap Maging Mahirap”
Composer: Kenneth Reodica
Interpreter: Davey Langit featuring Kritiko
Live performance by: JM Yosures featuring Kritiko
5th Best Song: “Kulang ang Mundo”
Composer: Daryl Cielo
Interpreter: Sam Mangubat
Special Awards
Most Streamed Song: “Kahit Kunwari Man Lang”
Composer: David Mercado
Interpreter: Moira dela Torre and Agsunta
MYX Choice for Best Music Video: “Marupok”
Composer: Danielle Balagtas
Interpreter: KZ Tandingan
Music Video Director: Geloyellow/ Gerard Lopez
MOR Entertainment Choice Award: “Tinadhana Sa’yo”
Composer: SJ Gandia
Interpreter: Zephanie
TFC’s Global Choice: “Tinadhana Sa’yo”
Composer: SJ Gandia
Interpreter: Zephanie
Himig TikTok Choice Award: “Tabi Tabi Po”
Composer: Mariah Moriones
Interpreter: JMKO