Balikan ang ilan sa hindi malilimutang Pinoy movies at episodes ng “MMK” na hitik sa pag-asa at inspirasyon sa pagpapalabas ng Jeepney TV nito mula Huwebes Santo hanggang Sabado de Gloria (April 1 to 3). 

 

Abangan sa Huwebes Santo ang mga pelikulang “Anak” ni Vilma Santos at Claudine Barretto, 11:30 AM at “Barcelona: A Love Untold” ng KathNiel, 9:10 PM; “MMK” classics na “Jacket” tampok sina Empoy Marquez at Heaven Peralejo, 8:30 AM at “Bracelet” episode na ginampanan nina Julia Barretto at Gloria Sevilla, 4:35 PM. Mapapanood din ang “Celebration of the Lord’s Supper,” 11:10 PM. 
 
Matutunghayan naman sa Biyernes Santo ang “Esperanza: The Movie” ni Judy Ann Santos, 10:10 AM at “Tanging Yaman” ni Gloria Romero, 4 PM; pati na rin ang “Kawayan” episode ng “MMK” kasama sina Joem Bascon at Louise Abuel, 8:30AM; “Luneta Park” tampok sina Long Mejia at Jairus Aquino, 12:20 PM, at “Kahon” na ginampanan nina Nora Aunor at Joel Torre, 7:30 PM. Eere din ang “Seven Last Words” sa gabi, 9 PM.
 
Magbabalik din ang mga kwentong siguradong magpapaiyak sa Sabado de Gloria sa “MMK” “Ilog” episode tampok sina Judy Ann at Ian de Leon, 7 PM at sa pelikulang “A Mother’s Story” nina Pokwang at Xyriel Manabat, 8:30 PM. Inspirasyon naman ang hatid ng “Easter Vigil Mass” ng 11:30 PM.
 
Samantala, maghahatid din ng iba’t ibang kwento ng pag-asa ang “Kapamilya Journeys of Hope” mula Huwebes hanggang Sabado, 7:30 AM at 8:30 PM kasama ang ABS-CBN chaplain na si Fr. Tito Caluag at kanyang mga bisita na magbabahagi ng kani-kanilang karanasan.
 
Tunghayan ang Jeepney TV sa SKYcable channel 9, GSAT channel 55, Cignal channel 44, at sa iba pang major provincial cable systems sa buong bansa. Para sa iba pang detalye, sundan ang Jeepney TV sa Facebook, Twitter, Instagram, at TikTok, at mag-subscribe sa YouTube channel nito.