Sino ang tatanghaling bagong “Idol Philippines” grand winner? Tiyak na magbabagoang buhay ng isa sa limang hopefuls na maglalaban-laban para final showdown ng ikalawang "Idol Philippines" ngayong Sabado (Setyembre 17) at Linggo (Setyembre 18).
Malalaman na sa weekend kung sino mula kina Ann Raniel, Bryan Chong, Khimo Gumatay, Kice, at Ryssi Avila ang susunod na tatanghaling grand winner ng pinakamalaking singing competition ng bansa.
Ang mapalad na grand winner ay mag-uuwi naman ng P1 million pesos cash, isang brand new house and lot mula sa Camella na nagkakahalagang P2 million pesos, isang recording contract with ABS-CBN Music, at isang full franchise package mula sa Dermacare Face, Body, and Laser Center na nagkakahalagang P3 million pesos.
Nitong nakaraang live shows na may temang show-stopping performances ay nanguna sa puso ng Uplivers at judges si Ryssi na nakakuha ng 99.02%. Sinundan naman siya ni Ann na merong 97.19% at si Khimo na may 96.13%. Nalagay naman sa danger zone sina Bryan na nakakuha ng 94.41% at Kice na may 79.44%. Tuluyan naman nagpaalam sa kompetisyon si Delly Cuevas matapos makuha ang pinakamababang combined votes na 64.59%.
Top trending at labis din na pinag-usapan sa Twitter ang nasabing labanan ng Top 6 finalists.
Habang nag-iintay sa nalalapit na final showdown,maari naman mag-ipon ang viewers ng voting credits para sa kani-kanilang pambato. I-download na ang Uplive at gumawa ng sariling account. I-click ang banner landing page at Idol account profile. Maglog-on para makakuha ng libreng voting credits, o bumili ng nasabing credits. Maari lang gamitin ang voting credits sa mismong show. Magbubukas ang voting lines tuwing live shows.
Huwag palampasin ang final showdown ngayong weekend sa “Idol Philippines” sa Kapamilya Channel, A2Z, TV5, Kapamilya Online Live, iWantTFC, at TFC IPTV. Sa karagdagang updates sa bagong season, i-follow ang @idolphilippines sa Facebook, Twitter, Instagram, atUplive, at magsubscribe sa YouTube channel ng Idol Philippines. I-follow din ang social media accounts ng Uplive.