Para sa mga ‘nababaliw’ sa hatinggabi…

Inilunsad na ng singer-songwriter na si Jeremy G has ang kauna-unahan niyang full-length album na pinamagatang “Late Night Madness” at inilabas sa ilalim ng Star Music.

Tampok dito ang walong kanta kasama na ang key track na “OCD” na may tunog retro R&B. 

“My album ‘Late Night Madness’ came to be after I wrote the song ‘OCD.’ I decided that I wanted to dedicate an album to the sound that ‘OCD’ represents, which is a retro yet current sound that I grew up loving to perform and listen to,” ani Jeremy.

Kasama rin sa album ang mga kantang “Dance Baby,” “BINI,” “Pabalik,” “Aking Anghel,” “Di Na Tayo Ganun,” “Wag Mong Sabihin,” at “Sinayang Mo.”

Tinawag niyang “Late Night Madness” ang album dahil na rin sa nag-uumapaw ito sa emosyon, mula sa pagiging happy in love hanggang sa masakit na pagbabalik-tanaw sa nakaraan. Swak daw ito sa late-night partying, iyakan blues, o simpleng pakikinig lang.

“From songs about being in love to songs about reminiscing about the past, this album I feel brings out all different types of emotions that people will relate to,” saad ni Jeremy.  

Bukod sa sariling musika, busy rin sa pagsusulat ng mga awitin si Jeremy para sa ibang artists tulad nina AC Bonifacio, Belle Mariano, Moira dela Torre, Pops Fernandez, at SB19.

Nagwagi ang kanyang song na "Sa 'Yo" bilang Best R&B Recording sa 33rd Awit Awards habang ang "Kahit Na Masungit" interpretation niya kasama si Kyle Echarri ay kinilala namang 2nd Best Song sa Himig 11th Edition songwriting competition.

Noong nakaraang taon, inilunsad na rin niya ang kanyang debut EP na tinawag na “maybe forever.” Meron itong limang kanta na siya mismo ang sumulat. Naging bahagi rin siya ng iWantTFC series na “Lyric and Beat.”  

Damhin ang emosyon sa “Late Night Madness” album ni Jeremy na napapakinggan na ngayon sa iba’t ibang music streaming platforms. Para sa karagdagang detalye, sundan ang Star Music sa Facebook, Twitter, Instagram, Tiktok, at YouTube.

Para sa iba pang updates, sundan ang @abscbnpr sa Facebook, Twitter, Instagram, at Tiktok o bisitahin ang www.abs-cbn.com/newsroom.