Kasalanan ng ama, nadamay ang anak!

Tinutukan ng mga manonood at nag-trending din online ang pinakabagong ABS-CBN crime drama at pinakahihintay na comeback teleserye ni Gerald Anderson, ang “Sins of the Father” na nagsimula nang umere noong Lunes (Hunyo 23).  

Umani ito agad ng 254,464 peak concurrent views sa Kapamilya Online Live dahil sa nakakapanabik nitong kwento tungkol sa scamming. Pasok din sa trending topics nito sa X sa bansa ang #SinsOfTheFather at WAITING4 FRANTSETH AS ARIZO. 

Ginagampanan ni Gerald ang papel ni Samuel Trinidad, isang bank manager na maiipit sa isang krimen sa “Sins of the Father.” Nagsimula ang programa sa isang scam na nagtulak sa ama ni Samuel na si Mike (John Arcilla) sa kamatayan. Kakayanin kaya ni Samuel na isalba ang reputasyon niya at proteksyunan ang kanyang pamilya? 

Umani agad ng papuri ang “Sins of the Father” sa film at series review page na Maganda Ba? “Napaka ganda” daw ng teleserye na puno ng suspense at misteryo.

“This show knows how to hook its viewers. From the opening sequence alone, it’s clear this is not your usual family drama. It’s gritty, suspenseful, and filled with mystery that will keep you guessing what the protagonist’s next move will be,” ayon sa post ng Maganda Ba? “If the rest of the season maintains this momentum, ‘Sins of the Father’ might just be one of ABS-CBN’s most exciting offerings this year!”

Pinuri rin ng mga manonood ang ka-abang-abang na kwento ng teleserye at natatanging pagganap ni Gerald. 

“#SinsOfTheFather starring Gerald is looking so promising, another masterpiece from ABS-CBN Studios,” sabi ng isang X user. 

“Grabe ang promisinggggg ng #SinsOfTheFather nakaka-excite. Nakakatuwa na ito ang comeback series ng Kuya. Thank you for this series, @JRBcreativeprod,” post ng isa pang X user.

“Gerald, good actor. Start pa lang yan, galing na talaga,” post naman ng isang netizen sa YouTube.  

Samahan si Gerald sa “Sins of the Father” na napapanood na ngayon sa Kapamilya Channel, Kapamilya Online Live, A2Z, TV5, iWantTFC, at TFC, Lunes hanggang Biyernes, 9:30 pm. Para sa karagdagang impormasyon, sundan ang JRB Creative Production sa Facebook, X (Twitter) (@JRBcreativeprod), Instagram (@JRBcreativeproduction), at TikTok (@jrbcreativeprod).

Para sa iba pang updates, sundan ang @abscbnpr sa Facebook, X (Twitter), Instagram, at Tiktok o bisitahin ang https://corporate.abs-cbn.com/newsroom/news-releases.