“Red Alert” ng ABS-CBN, limang taon na

Sa pagpapatuloy ng selebrasyon ng ika-limang anibersaryo ng “Red Alert,” muling ipapakita ni Jeff Canoy ang estado ng emergency at rescue sa Pilipinas sa kanyang pagsunod sa buhay ng isang emergency room doctor sa Tondo, Manila.

Araw-araw, mayroong buhay na nakasalalay sa kamay ng 40-anyos na si Dr. Leila Narag ng Tondo Medical Center.  Madalas na takbuhan ang ospital ‘di lang ng mga taga-Maynila kundi ng mga nasa katabing lugar, kaya laging maraming pasyente roon at minsan, siya na rin ang nag-iikot para magabayan ang mga pasyente sa pediatric ward ng ospital.

Mahalaga para sa kanya ang propesyon bilang emergency doctor dahil sa kanyang ‘di malilimutang karanasan nang maospital ang kanyang ama noong bata pa siya.

Aalamin ni Jeff kung paano niya naibibigay ang buong puso sa kanyang trabaho pero nagagampanan pa rin niya ang mga responsibilidad niya bilang ina.

Unang napanood ang “Red Alert” sa ABS-CBN noong Marso 2014. Layunin ng programa na armasan ng kaalaman ang mga Pilipino sa pagiwas at pagharap sa aksidente o sakuna, dulot man ng tao o ng kalikasan. Sa unang dalawang linggo ng Marso, nasaksihan din ng mga manonood ng ang hirap at peligrong hinaharap ng ating mga bombero at emergency responder.

Samahan si Jeff sa ikatlong espesyal na handog ng “Red Alert,” sa ika-lima nitong anibersaryo, 9:30 pm sa DZMM TeleRadyo at pagkatapos ng “Bandila” sa ABS-CBN. Manood  online saskyondemand.com.ph o sa iwant.ph. Sundan ang @RedAlertABSCBN sa Facebook at @ABSCBNRedAlert sa Twitter. Para sa updates, i-follow ang @ABSCBNPR sa Facebook, Twitter, at Instagram o bumisita sa abscbnpr.com.