ABS-CBN spreads light and love early as the network released the lyric video of “Ikaw Ang Liwanag at Ligaya” today (November 27) ahead of the premiere of the 2020 ABS-CBN Christmas ID this Tuesday (December 1) after “TV Patrol.”
ABS-CBN Christmas ID tampok ang Kapamilya stars, magniningning sa Disyembre 1
Maagang nagpakalat ng liwanag at ligaya ang ABS-CBN sa paghahandog ng lyric video ng “Ikaw Ang Liwanag at Ligaya” ngayong araw (Nobyembre 27) bilang patikim sa premiere ng 2020 ABS-CBN Christmas ID sa darating na Martes (Disyembre 1) pagkatapos ng “TV Patrol.”
Mensahe ng bagong awitin para sa Pasko ang kahalagahan ng panalangin na nagdadala ng liwanag at ligaya sa buhay sa kabila ng madidilim na bahagi ng ating mga kwento ngayong taon. Binigyang diin din sa kanta, na nagtatampok sa tinig ng 20 Kapamilya artists, ang pag-ibig na ibinabahagi sa kapwa na nagmumula naman sa Diyos, ang unang liwanag at ligaya ng ating pamilya.
Kapansin-pansin din na tampok sa lyric video ang pagsalin ng mga salitang “liwanag” at “ligaya” sa iba’t ibang lengwahe sa bansa at sa ibayong dagat para mas lalong kumalat ang positibong mensahe ngayong Pasko. May Waray, Kapampangan, Maguindanao, Italian, Korean, Arabic, at iba pa.
Kabilang sa mga umawit tungkol sa kislap ng pag-ibig at pag-asa sina Regine Velasquez-Alcasid, Ogie Alcasid, Morissette Amon, Bamboo, Janine Berdin, Darren Espanto, Vice Ganda, Sarah Geronimo, Toni Gonzaga, Jona, Moira, Martin Nievera, Elha Nympha, Zsa Zsa Padilla, Inigo Pascual, Angeline Quinto, Lea Salonga, Erik Santos, KZ Tandingan, at Gary Valenciano. Sinulat nina Robert Labayen at Love Rose De Leon ang mga salita sa “Ikaw Ang Liwanag at Ligaya” habang likha naman ni Thyro Alfaro ang musika nito.
Binuo ang ABS-CBN Christmas ID 2020 Lyric Video ng ABS-CBN Creative Communication Management Division na pinangungunahan nina Robert Labayen at Johnny Delos Santos, sa patnubay ni ABS-CBN COO of broadcast Cory Vidanes.
Ang 2020 Christmas ID Creative and Production Team ay kinabibilangan nina overall head of production Sheryl Ramos, lead producer Lawrence Arvin Sibug, producers Christian Faustino, Adrian Lim, Anna Charisse Perez, Revbrain Martin, Raywin Tome, Maria Lourdes Parawan, Edsel Misenas, Kathrina Sanchez, Roda Baldonado, Maria Concepcion Salire, Mariah Krizaeda Quilao, Winter Delos Reyes, Franciesca Cruz, Diane Monique Olaivar, Jhoi Pelagio-Pablo, Kathrine Panganiban, Love Rose De Leon at CCM traffic and operations head, Tess Perez-Mendoza.
Naging posible naman ang ABS-CBN Christmas ID 2020 Lyric Video dahil sa editing nina Mark Gonzales, Jaimee Jan Agonia, at Maria Concepcion Salire, audio post specialist Alvin Mendoza, at graphics nina Karlo Emmanuel Victoriano, Regine Binuya-Bague, at Alfie Landayan.
Unang napanood ang ABS-CBN Christmas ID lyric video (“Ikaw Ang Liwanag at Ligaya”) sa iWantTFC at muling mapapanood sa iba-ibang plataporma ng ABS-CBN ngayong gabi (Nobyembre 27) pagkatapos ng “TV Patrol.” Mapapanood din ang lyric video sa YouTube channel at Facebook page ng ABS-CBN Entertainment habang hinihintay nila ang inaabangang Christmas ID na ipapalabas sa Disyembre 1 (Martes).
Para sa ibang balita, i-follow ang @ABSCBNPR sa Facebook, Twitter, at Instagram, o pumunta sa abs-cbn.com/newsroom.