Kumpleto na ang big four ng batch three ng "PBB Otso" matapos makuha nina Ashley del Mundo, Tan Rocal, Batit Espiritu, at Yen Quirante ang apat na pwesto noong Sabado (May 25).


Nauna na ngang nakapasok sa big four sina Tan at Batit matapos maipanalo ang magkahiwalay na Big Jump challenges ni Kuya. 


Samantala, nakuha ni Ashley ang pinakamaraming boto na 56.45% at Yen na nakamit ang 22.7% para makasama sa Big Four. 


Dahil dito, natapos na ang 'PBB Otso' journey nina Angela Tungol (13%) at Lance Carr (7.86%). 


Hindi naman natatapos ang "PBB Otso" sa paglabas nina Ashley, Tan, Batit, at Yen noong Linggo (May 26) dahil pumasok na sa Bahay ni Kuya ang bagong set ng adult housemates na sina Sky Quizon, ang "Summa Cum Lau Bae ng Tarlac," Hasna Cabral, ang  "Ukay Nanay ng Cavite," Franki Russel, ang Wandering Stunner ng New Zealand, Wealand Ferrer, ang Kwelamazing Kuya ng Nueva Ecija,  Argel Baisanon, ang Prodigal Probinsyano ng Negros Oriental, at Jamie Salenga, ang Responsible Rampanganay ng Quezon City.


Apat pang adult housemates ang kikilalanin ng mga Kapamilya sa susunod na mga araw matapos nang maunang masilayan ng manonood sina  Kiara Takahashi at Gino Roque IV noong nakaraang linggo sa  "Tonight with Boy Abunda."