Sagot ng all-English movie channel ng ABS-CBN TVplus na Movie Central ang mga pelikulang pampamilya na pwedeng pambonding ng mga Kapamilya ngayong Mayo. 

Mapapanood ngayong Mayo 11 ang action at fantasy movie na "Enter the Warriors Gate." Samahan si Uriah Shelton bilang ang gamer na si Jack na mapapadpad sa China matapos buksan ang regalo ng isang matanda. Alamin kung paano niya lalabanan ang isang masamang hari na gagampanan ni Dave Bautista at kung paano siya makakabalik sa kanyang pamilya.

Magiging isang pusa naman si Kevin Spacey matapos maaksidente kasama ang biniling regalong hayop sa kanyang anak. Tuklasin kung paano nabago ng pagiging pusa niya  ang kanyang buhay bilang isang workaholic. Makabalik pa kaya siya bilang isang tao at makapagbagong buhay? Markahan na ang kalendaryo niyo at panoorin ang "Nine Lives" ngayong Mayo 18.

Nagbabalik naman si Hiccup (Jay Baruchel) at ang loyal nyang dragon na si Toothless sa pangalawang pelikula ng "How to Train Your Dragon" trilogy. Limang taon makalipas ang kanyang ginawang pagbabago sa kanyang lugar na Berk, mapupunta sina Hiccup sa isang sikretong kyweba kung saan makikita niyang muli ang inakala niyang patay na ina na si Valka (Cate Blanchett). Ngunit ang kanilang reunion ay mapupurnada nang kinailangan niyang labanan ang masamang warrior na si Drago. Huwag iyan palampasin ngayong Mayo 25.

Maari mapanood ang mga naturang pelikulang sa Movie Blowout ng Movie Central tuwing Sabado ng 9pm