Nanguna sina Moira dela Torre, Sam Mangubat at ang juan karlos sa kakatapos lamang na MOR Pinoy Music Awards 2019, ang inaabangang pagkilala sa tumatak na Pinoy artists na ginanap sa Araneta Coliseum noong nakaraang Martes (Hulyo 16).
Inuwi ng Pinoy rock band na juan karlos ang Song of the Year para sa hit song nitong “Buwan.”
Samantala, napanatili naman ng “Idol Philippines” judge na si Moira ang kanyang titulo matapos makuha muli ang Female Artist of the Year sa pangalawang pagkakataon. Nanalo din siya ng Best Collaboration of the Year para sa kantang “Kung ‘Di Rin Lang Ikaw” kasama ang December Avenue.
Nasungkit naman ng singer-songwriter na si Sam Mangubat ang inaabangang Male Artist of the Year award para sa awiting “Pagkat Nariyan Ka.”
Binalik rin ng FM station ng ABS-CBN ang pagkilala sa Band of the Year at_ibinigay ito sa bandang Ben&Ben para sa kanilang pamosong kantang “Maybe the Night.”
 
Kinilala din ng MOR ang kontribusyon ng Asia’s Songbird na si Regine Velasquez-Alcasid sa industriya ng OPM at ginawad sa kanya ang Lifetime Achievement Award para sa taong ito. Hinandugan din si Regine ng isang espesyal na tribute kasama sina Jona, Bugoy Drilon, Daryl Ong, Michael Pangilinan, at Katrina Velarde.
Dumalo at nagpasaya din noong Martes ng gabi ang OPM legends na sina_Jaya,_Randy Santiago, Jamie Rivera, Renz Verano, Bituin Escalante, at Wency Cornejo. 
Bukod sa nasabing awardees, umuwi ding matagumpay sina Maymay Entrata (LSS Song of the Year), Shanti Dope (Best New Artist), This Band (Digital Artist of the Year), Janine Teñoso with (OPM Revival Song of the Year), Cup of Joe (Regional Song of the Year), at Alex Gonzaga (Phenomenal Artist of the Year).
Ang MOR 101.9 DJs na sina Jhai Ho, Cha Cha, Ana Ramsey, Joco Loco, Eva Ronda, Maki Rena, Rico Romantiko, Biboy Buenas, Nikki Morena, Kinoy, Popoy, Jasmin, Digong Dantes, Kimbo, Kisses, Onse, Edu Cariño, and Reggie V. ang naghost sa ika-anim na MOR Pinoy Music Awards.
Heto ang kabuuang listahan ng winners:
SONG OF THE YEAR: juan karlos “Buwan”
FEMALE ARTIST OF THE YEAR: Moira Dela Torre “Tagpuan”
MALE ARTIST OF THE YEAR: Sam Mangubat “Pagka’t Nariyan Ka”
BEST COLLABORATION OF THE YEAR: December Avenue & Moira dela Torre “Kung  “Di Rin Lang Ikaw”
LSS SONG OF THE YEAR: Maymay Entrata “Bituin”
BEST NEW ARTIST: Shanti Dope “Nadarang”
OPM REVIVAL SONG OF THE YEAR: Janine Teñoso “’Di Na Muli”
DIGITAL ARTIST OF THE YEAR: This Band “Kahit Ayaw Mo Na”
BAND OF THE YEAR: Ben&Ben “Maybe The Night”
REGIONAL SONG OF THE YEAR: Cup of Joe “Nag-iisang Muli”
PHENOMENAL ARTIST OF THE YEAR: Alex Gonzaga 
LIFETIME ACHIEVEMENT AWARDEE 2019: Regine Velasquez-Alcasid