A documentary about an Aeta teacher who treks to her class for four to five hours in Sitio Tarukan in Capas, Tarlac to teach Aeta children took top honors in the Knowledge Channel’s “3rd Class Project: Intercollegiate Mini-Documentary Competition” and will soon be aired on Knowledge Channel and streamed on iWant.
Isang dokyu tungkol sa isang Aetang titser na naglalakad nang apat hanggang limang oras ang Sitio Tarukan sa Capas, Tarlac para makapagturo araw-araw sa mga mag-aaral nitong kapwa Aeta, ang nagwagi sa ikatlong "Knowledge Channel Class Project: Intercollegiate Mini-Documentary Competition” at mapapanood sa Knowledge Channel at iWant.
Likha ng mga mag-aaral mula sa University of Makati, pinapakita ng dokyu na pinamagatang “Titser Gennie” ang dedikasyon at sakripisyo ng guro para makamtam ang pangarap na maging lisensyadong guro.
Nangibabaw ang dokyung gawa nina Eudel Ayuban, Leda Razel Miranda, Yvonne Clarisse Dalusong at Jean Pearl Silvestre sa 44 na iba pang kalahok sa buong bansa na kalaunan ay mapapanood sa “Knowledge Channel Winner’s Festival.” Ang kanilang grupo ay tatanggap ng premyong P30,000.
Sa ikatlong taon nito, patuloy ang layunin ng mini-dokyu kompetisyon na magbigay ng pagkakataon sa mga mga mag-aaral na paglinangin ang kakayahang gumawa ng malikhaing obra at maipakita ang kanilang mga dokyu sa mas maraming manonood.
Nasungkit naman ng dalawa pang grupo ng mag-aaral mula sa University of Makati ang pangalawa at pangatlong pwesto sa kompetisyon.
Pumangalawa ang “Kulitan,” na tumatalakay sa nakaligtaang paraan ng pagsusulat sa Kapampangan.Gawa ito nina Rosendo Rone Jr., Ederwin Capungcol, Larrisa Joyce Adornado, Raymond Enriquez at Krisha Gordonas. Makakatanggap sila ng P20,000.
Ang dokyu naman na “Mga Batang Anipa,” na tungkol sa apat na kabataang pursigidong pumasok araw-araw gamit ang lamang ang kanilang mga tsinelas at salbabida para makalangoy sa ilog patungo sa kanilang paaralan ikatlong nagwagi. Mula ang dokyu na ito sa mag-aaral na sina Alundra Villanueva, Noel Carlo Francisco, Ederwin Capungcol, James Claude Fernandez at Eloisa Jane Palermo, na makakatanggap naman ng premyong P10,000.
Samantala, ang ibang mga sumali na makakatanggap ng mga consolation prizes ay ang “Binhi” ng Palawan State University; “City Painted in Red” ng Saint Louis University; “Ang Munting Karera ni Vash” ng University of Makati; “Iskolar ng Merkado” ng Palawan State University; “Hiling sa Dapithapon” ng Lyceum of the Philippines; "Aruga” ng Urdaneta City University; at “Hachiko ng Lapu-Lapu ng Cebu Normal University.
Ang "Class Project: Intercollegiate Mini-Documentary Competition" ay proyekto ng ABS-CBN, Knowledge Channel, at Philippine Association of Communication Educators (PACE) na may layuning himukin ang mga mag-aaral na gumawa ng mga makabuluhang mini-dokyu tungkol sa buhay ng mga Pilipino, na nagpapakita ng kahalagahan ng katarungang panlipunan, dedikasyong maglingkod, masidhing pagnanasa sa pangkalahatang paglinang ng kaalaman, integridad, at nasyonalismo. Dinesenyo ang programa para makapagbigay patas na pagkakataon sa mga mag-aaral na Pilipino na maipakita ang kanilang mga obra at makatulong sa positibong pagpapakita ng mga katangiang Pilipino ng kabataang Pilipino.
Eere ang mga nanalong dokyu sa programang “Class Project Winners Festival” sa Knowledge Channel at mapapanood naman online sa nangungunang lokal na streaming app na iWant.