Inaalay ng singer-songwriter na si SAB ang kanyang bagong single na “Happy You Stayed” sa mga kaibigan na nariyan pa rin ngayon para sa kanya.
 
Isinulat ni SAB ang bagong awitin mula sa Tarsier Records noong summer ng taong 2021 habang college freshman siya na natanto na ibang-iba ang buhay kapag hindi na kasama ang mga kaibigan na naging bahagi ng buhay niya sa matagal sa panahon.
 
“I ended up writing ‘Happy You Stayed’ for my best friends, basically saying everything I wanted to say to them. It was my way of saying that even if we’re having different experiences, I’m happy that they stayed and I’m really proud of everything they’re doing,” kwento niya. 

 
Isang indie-pop singer si SAB sa ilalim ng ABS-CBN Music na naghahatid ng iba’t ibang kwento sa kanyang makulay na pagsusulat ng musika na naglalarawan ng buhay, coming of age, at sarili niyang karanasan.
 
Bago ang “Happy You Stayed,” inilabas niya rin ang kanyang “I’d Like To” single sa ilalim ng Tarsier Records. Inilunsad din niya noong Hunyo ang “SHE@Twenty Live” album na mula sa kanyang birthday concert ngayong taon. Bahagi rin siya ng kasalukuyang “Beyond The Stars” tour ng Star Magic sa Amerika.
 
Napapakinggan na ang single ni SAB na “Happy You Stayed” sa iba’t ibang music streaming platforms. Para sa updates, sundan ang Tarsier Records sa iba’t iba nitong social media accounts, @tarsierrecords.
 
Para sa iba pang updates, sundan ang @abscbnpr sa Facebook, Twitter, TikTok, and Instagram o bisitahin ang www.abs-cbn.com/newsroom.