Karen at Migs, itatampok ang mas maraming pang nakaka-inspire na kwento
Ibabahagi ni Alex Bundang, isang dating empleyado sa bangko, ang kanyang pinagdaanan upang makapagpatayo ng kanyang negosyong remittance at payment franchise sa “My Puhunan” ngayong Linggo (Setyembre 10).
Bilang isang empleyado sa bangko, nakakuha si Alex ng magandang suweldo at benepisyo, ngunit hindi nawala sa pangarap niya na maging isang negosyante. Ngayon, matagumpay na siyang franchisee ng ExpressPay, isang remittance at payment service franchising company kung saan kumikita siya ng mahigit P80,000 kada buwan.
Makakasama rin nina Karen Davila at Migs Bustos si Joemel Calma na dating isang aspiring fashion designer na natulungan ng “My Puhunan.” Ngayon ay may sariling fashion boutique at bahay na si Joemel sa Laguna.
Itatampok din ng “My Puhunan” ang Ninety-Nine Private Resorts and Villas ni Polsan Pangindian, na may bagong konsepto na ‘Build, Earn, Sell & Repeat’, kung saan maaaring mag-invest dito sa pamamagitan ng paggamit ng ‘co-partnership’ business model.
Huwag palampasin ang mga nakakatuwang kwento ng tagumpay sa “My Puhunan: Kaya Mo!” kasama sina Karen Davila at Migs Bustos tuwing Linggo simula 9:30 am sa Kapamilya Channel, Kapamilya Online Live, A2Z, news.abs-cbn.com/live, at iba pang ABS-CBN News online platforms.
Para sa iba pang updates, sundan ang @ABSCBNPR sa Facebook, Twitter, Instagram, TikTok, at Threads o bisitahin ang www.abs-cbn.com/newsroom.