Lulutasin ang malaking misteryong bumabalot sa mundo

Ipapalabas na ng ABS-CBN ang internationally acclaimed Chinese drama series na “The Untamed,” simula Lunes (Oktubre 28), 10:15 PM, sa Kapamilya Channel, Jeepney TV, A2Z at TV5. 

Ang "The Untamed" ay isang drama adaptation ng The New York Times Best Seller novel na “Grandmaster of Demonic Cultivation” na isinulat ng Chinese author na si Mo Xiang Tong Xiu. 

Pinagbibidahan nina Xiao Zhan, miyembro ng Chinese boy group na X Nine at Wang Yibo, miyembro ng Korean-Chinese boy group na Uniq, ang “The Untamed.”

Iikot ang kwento kina Wei Wu Xian (Xiao Zhan) at Lan Wang Ji (Wang Yibo), dalawang disipulo mula sa magkaibang respetadong angkan, na magkakakilala sa isang training. Aksidente nilang matutuklasan ang isang madilim na misteryo na nakatago nang ilang taon. Pagtutulungan nilang alisin sa mundo ang nagbabantang banta na magiging dahilan ng pagkamatay ni Wei Wu Xian.

Makalipas ang labing-anim na taon, muling mabubuhay si Wei Wu Xian sa pamamagitan ng isang ritwal ngunit siya ay magtatago sa ibang pagkatao. Muling nakipagtagpo si Wei Wu Xian kay Lan Wang Ji at magtutulungan upang lutasin ang mga misteryo ng kasalukuyan at matutuklasan ang katotohanan sa likod ng mga pangyayari sa nakaraan.

Huwag palampasin ang kaabang-abang na episodes ng "The Untamed" simula Lunes (Oktubre 28), 10:15 PM, sa Kapamilya Channel, Jeepney TV, A2Z at TV5. 

Para sa updates, sundan ang @ABSCBNPR sa Facebook, X, TikTok, at Instagram, o bisitahin ang abs-cbn.com/newsroom.