“Greatest Hits Live!” album niya, magiging available sa vinyl

Nakatakdang ilunsad ng Pop Ballad Royalty na si Erik Santos SA Nob. 8 (Biyernes) ang kanyang “Pagbigyang Muli – I Will Never Leave You” mix na magiging bahagi ng “Erik Santos: Greatest Hits Live!” album.

Mula ito sa naging performance niya sa “MilEStone: The 20th Anniversary Concert” na ginanap noong Oktubre 6, 2023 sa Mall of Asia Arena. 

Sa launch ng “Greatest Hits Live!” album sa Ayala Museum, binalikan niya ang tagumpay ng “Pagbigyang Muli” na mula sa komposisyon ni ABS-CBN Music operations and creative head Jonathan Manalo.

Sabi ni Erik, “’Pagbigyang Muli’ became no. 1 for almost one year in almost all the charts since its release back in 2004 and I am so blessed to have been given this very beautiful masterpiece that is also celebrating its 20th anniversary this year.” 

Sa Pebrero 2025 nakatakdang ilabas ang “Greatest Hits Live” album na maglalaman ng 15 tracks na mula mismo sa mga natatanging performance niya sa “MilEStone” concert. 

Magiging available rin ito sa double vinyl format at pwede nang mag-pre-order para dito sa https://www.backspacerrecords.com/products/erik-santos-greatest-hits-live-vinyl.

Samantala, nakatakdang maglabas ng docu-concert si Erik na mapapanood sa mga susunod na araw. Sinisimulan na rin niya ang paggawa ng bagong album na ilalabas din sa 2025. 

Mapapakinggan na ang “Pagbigyang Muli – I Will Never Leave You” mix ni Erik sa iba’t ibang digital streaming platforms simula Nob. 8. Para sa karagdagang detalye, sundan ang Star Music sa Facebook, X (Twitter), Instagram, TikTok, at YouTube.

Para sa iba pang updates, sundan ang @abscbnpr sa Facebook, X (Twitter), Instagram, at TikTok o bisitahin ang www.abs-cbn.com/newsroom.