Live na live ang biritan ng top 12 teen artists sa kanilang semifinals tagisan simula ngayong Sabado at Linggo sa "The Voice Teens Philippines" Season 3.

Bago ang pagsisimula ng live performance rounds, dumaan sa matinding knockout rounds ang teen aspirants nina Caoch Martin Nievera, Bamboo, at KZ Tandingan kung saan tig-apat na lang sa kada team ang matitira para umabante sa semifinals.

Unang sumalang ang teen artists ng MarTeam, kung saan sina Colline Salazar (15 y.o.), Wendy Figura (15 y.o.), Steph Lacuata (16 y.o.), at Sofie Pangilinan (15 y.o.) ang lalarga sa next round.

Sunod namang pinili ni Bamboo sina Antonette Sison (16 y.o.), Jillian Pamat (15 y.o.), Nicole Olivo (15 y.o), at Maelynn Rapista (17 y.o.) na aabante sa semifinals para sa Kamp Kawayan.

Huli namang sumalang ang Team Supreme hopefuls, kung saan pinili ni KZ sina Bianca Ilagan (17 y.o.), Hargie Ganza (16 y.o.), Yen Victoria (16 y.o.), at Pia Carandang (16 y.o.) na mapabilang sa top 12.

Mas hihigpit pa ang kompetisyon dahil hawak na ng mga manonood ang desisyon kung sino ang aabante sa next round. Abangan ang anunsyo kung paano makaboto ngayong Sabado o i-follow ang "The Voice Teens Philippines" sa Facebook, X, Instagram, at YouTube para sa iba pang detalye.

Pakatutukan ang live biritan ng top 12 sa semifinals round ng "The Voice Teens" simula ngayong weekend sa A2Z, TV5, Kapamilya Channel, at Kapamilya Online Live.

Bago nito, mas kilalanin muna ang top 12 teen artists sa kanilang "5 Facts" features, na mapapanood na sa official Facebook at YouTube accounts ng "The Voice Teens Philippines."

Para sa iba pang Kapamilya updates, sundan ang @ABSCBNPR sa Facebook, X, Instagram, at TikTok o bisitahin ang www.abs-cbn.com/newsroom.