Bagong singing heartthrob ng StarPop
Hangad ng dating “Pinoy Big Brother Kumunity Season 10” housemate na si Rob Blackburn na makasama ang minamahal sa kanyang debut single na “Biyernes ng Gabi.”
Una niyang pinerform nang live ang bagong awitin sa “Star Magic Hot Summer 2024” kung saan isa rin siya sa mga Star Magic artist na nagpakita ng kanilang fitness transformation.
Isinulat ni Blackburn ang pop-alternative track na naglalarawan sa kagustuhan na makasama ang taong mahal tuwing Biyernes.
“There was this time my family was outside of the country, I was left on my own, and my friends constantly invited me out on Fridays. I sometimes felt Fridays could be hectic if it’s not spent with the right person. I wanted to relax on Friday nights with a special person, though I’m still not sure who she is yet,” saad ni Blackburn.
Iprinodyus ni StarPop label head na si Roque “Rox” Santos ang “Biyernes ng Gabi.”
Kwento ni Blackburn, sumali siya sa iba’t ibang singing competitions at musicals noong high school upang lalong mahasa ang talento niya sa musika.
“I fell in love with using my voice to entertain others and I found what I was good at. I then sang more consistently, whether or not that was recess in school, my room, the bathroom or humming to melodies in the classroom. I enhanced my passion by joining talent shows and performing as a singer in community parties,” aniya.
Bago pasukin ang music industry, naging bahagi si Blackburn ng iba’t ibang Pie Channel series tulad ng “The Chosen One” at “Eat Pray Love.” Ilan sa kanyang musical influences ay ang rock bands tulad ng Blink-182, Sum 41, My Chemical Romance, The Goo Goo Dolls, Eraserheads, Rivermaya, at Kamikaze, at pop artists na sina Ed Sheeran at Maroon 5.
Pakinggan ang debut single ni Blackburn na “Biyernes ng Gabi” na available sa iba’t ibang digital streaming platforms. Para sa ibang detalye, sundan ang StarPop sa Facebook, X (Twitter), Instagram, at TikTok.
Para sa iba pang updates, sundan ang @abscbnpr sa Facebook, X (Twitter), Instagram, at TikTok o bisitahin ang www.abs-cbn.com/newsroom.