Gary, Regine, Ogie, Zsa Zsa, Erik, at Darren, makikikanta kay Kitchie Nadal ngayong Linggo

Sulitin ang weekend kasama ang rising hitmaker na si Maki, maging ang Kapamilya ladies na sina Lovi Poe, Loisa Andalio, Maymay, Alexa Ilacad at iba pa, sa kanilang handog na hot at fresh na performances ngayong Linggo (Hunyo 23) sa "ASAP Natin 'To" sa Kapamilya Channel, A2Z, sa TV5.

Abangan si Maki kasama sina Angela Ken at Nhiko na aawitin ang kanilang collaboration song na "Sikulo." Mapapanood rin si Lovi, na may sing and dance performance ng hit song ni SZA na "Saturn" kasama sina Jeremy Glinoga, Jameson Blake, Ken San Jose at G-Force. Magsasama-sama naman sina Maymay, Alexa, Loisa, Anji Salvacion, at AC Bonifacio sa pagsasayaw ng mga trending na international hits kasama ang mga grupong Axis, Ignite, Legit Status, at G-Force.

Ipagpatuloy ang dance party kasama sina BGYO Gelo at Nate, kasama ang D’ Grind, para sa isang epic clash dance na tampok ang mga kantang "Limb by Limb" ni Cutty Ranks at "Rover" ni EXO Kai.

Samahan sina Gary Valenciano, Regine Velasquez, Ogie Alcasid, Zsa Zsa Padilla, Erik Santos, at Darren Espanto sa pag-welcome sa OPM singer na si Kitchie Nadal at sa pagkanta mga iconic na awitin ni Kitchie. Maghahatid rin sila ng nakamamanghang opening segment tampok ang mga rock version ng mga hit OPM songs.

Saksihan ang mga nakaka-touch na rendisyon ng mga awit ng Ben&Ben mula sa mga singing champion na sina Jona, Klarisse De Guzman, Kyla, Sheryn Regis, Jason Dy, JM Yosures, JM De La Cerna, Sam Mangubat, Khimo, Bugoy Drilon, Marielle Montellano, Lyka Estrella, Katrina Velarde, at Lara Si Maigue, kasama ang social media influencer na si Kevin Sy na maghahatid ng hugot spiels.

Ipagpatuloy ang magandang music experience kasama sina Yeng Constantino, Alexa, KD Estrada, Nyoy Volante, Jeremy, Kice, at Lara, maging ang musikero na si Ric Mercado, na maghahatid ng mga nakakaantig na pagtatanghal ng kanilang original songs. 

Maghanda para sa isang espesyal na song number mula kay Miss Universe 2022 R’Bonney Gabriel kasama sina Erik, Jed Madela, at Jason. Makibirit din sa “ASAP” divas na sina Regine, Zsa Zsa, Bituin Escalante, Frenchie Dy at Nina na kakantahin ang mga hit song ng international pop group na Wilson Phillips. 

Makakasama naman ngayong Linggo ang “ASAP” hosts na sina Martin Nievera, Robi Domingo, at Edward Barbers.

Lahat ng ito, mapapanood ninyo ngayong Linggo mula sa longest-running at award-winning musical variety show sa bansa, "ASAP Natin 'To," 12 NN sa local TV sa Kapamilya Channel, Jeepney TV, A2Z, at TV5, online sa Kapamilya Online Live at iWantTFC, at worldwide via TFC. 

Para sa updates, sundan ang @abscbnpr sa Facebook, X, Instagram, at TikTok o bisitahin ang www.abs-cbn.com/newsroom.