Pangalawang milyonaryo sa pinakabagong Kapamilya game show...

Wagi bilang pangalawang “Rainbow Rumble” master ang “Pamilya Sagrado” star na si Emilio Daez matapos mapanalunan ang tumataginting na P1,062,000 noong Sabado (Agosto 24).  

Maswerteng nakuha ni Emilio ang anim na unique colors sa jackpot round na ‘Rainbow Reveal,’ dahilan upang maiuwi niya ang P1 milyong papremyo.

"I cannot believe it, sobrang saya. I'm lost for words grabe, hindi ko alam kung ano 'yung nararamdaman ko pero sobrang saya," Emilio said.

Sa elimination round na ‘Rally to the Top,’ nanalo na rin si Emilio ng P62,000 matapos niyang maunahan ang kapwa cast members at rumblers na sina Kyle Echarri, Grae Fernandez, Jeremiah Lisbo, at Daniella Stranner

Nadagdagan rin ng dalawang segundo ang oras ni Emilio  sa jackpot round matapos niya masagot ang isa sa anim na rapid rumble questions. Sa loob nga ng 49 segundo ay nakuha niya ang lahat ng unique colors para manalo sa game show . Tinanghal na pangalawang milyonaryo sa “Rainbow Rumble” si Emilio matapos ang pagkapanalo ng mamamahayag na si Raphael Bosano.

Noong nakaraang Linggo (Agosto 25), sinubukan naman ng mga LGBTQIA+ pageant queen na sina Anne Patricia Lorenzo, Matmat Centino, Mitch Suansane, Sashi Esmeralda, at Ralph Romero ang kanilang suwerte sa “Rainbow Rumble.” Napagtagumpayan ni Anne talunin ang kapwa pageant queens sa elimination round ngunit kinapos siyang makuha ang anim na unique colors upang manalo ng jackpot prize. Gayunpaman, nag-uwi pa rin siya ng P82,000 na napanalunan niya sa elimination round.

Maki-sagot na sa tanong at alamin kung sweswertihin kaya ang Rumblers sa susunod na weekend. Patuloy na panoorin ang "Rainbow Rumble" tuwing Sabado at Linggo, 7:15PM, sa Kapamilya Channel, Kapamilya Online Live, at A2Z, at 8:15PM sa TV5. 

Para sa iba pang updates, sundan ang @abscbnpr sa Facebook, X, Instagram, at TikTok o bisitahin ang www.abs-cbn.com/newsroom.