May bagong hatid na nakakaindak na awitin ang myembro ng It’s Showtime Kids na si IMOGEN na pinamagatang “KOKOBOM” at mapapakinggan na simula Biyernes (Enero 31).
 
Una niyang ipinarinig ang kanta sa kanyang opening production number sa “It’s Showtime” kamakailan sa pagdiriwang ng kanyang ikawalong kaarawan. 
 
Magiging bahagi ang “KOKOBOM” single ng upcoming debut album ng batang Kapamilya star.
 
Isinulat ito nina Elinor Jernsand at Nick Jarl at inareglo at prinodyus ng ama ni IMOGEN na si Rey Cantong ng bandang Six Part Invention sa ilalim ng Star Music record label ng ABS-CBN.
 
Si IMOGEN ang nasa likod ng viral song na “Mini Ms. U.” Kabilang din sa mga inilabas niyang kanta ang novelty tracks na “Da Da Da” at “Ang Init Init” at ang remake niya ng OPM classic na “Sana.”
 
Sumabay sa kantahan at sayawan na handog ng “KOKOBOM” ni IMOGEN simula Biyernes (Enero 31) sa iba’t ibang music streaming platforms (https://orcd.co/Kokobom_IMOGEN). Para sa karagdagang detalye, sundan ang Star Music sa Facebook, X (Twitter), Instagram, TikTok, at YouTube.
 
Para sa iba pang updates, sundan ang @abscbnpr sa Facebook, X (Twitter), Instagram, at TikTok o bisitahin ang corporate.abs-cbn.com/newsroom.