Main character energy ang dala nina Francine Diaz, Belle Mariano, at Kim Chiu sa kanilang tending na paandar sa “ASAP” ngayong Linggo (Hunyo 1).
Simula pa lang mapapa-wow ka na sa all-star opening number nina Gary Valenciano, Erik Santos, Angeline Quinto, Yeng Constantino, Ken San Jose, Jameson Blake, JM Ibarra, Carmelle, Lyka Estrella, Marielle Montellano, Darren, Iñigo Pascual, at Kim Chiu.
Kasama rin sa selebrasyon ngayong Linggo ang Asia’s Phoenix na si Morissette sa kanyang birthday at 15th showbiz anniversary, kung saan may pasilip na siya sa kanyang concert. Samantala, ipagdiriwang din ang 20th anniversary ni Jona kasama ang mga champion singers na sina Marko Rudio, JM Yosures, JM dela Cerna, at Khimo Gumatay.
Abangan naman ang world-class collaboration nina Erik, Yeng, at Angeline, at ang unang pagsasama sa entablado nina Bamboo at Carmelle Collado. May special appearance din mula sa Fil-Am comedian na si Jo Koy.
Hindi rin pahuhuli sina Martin Nievera at Regine Velasquez-Alcasid sa kanilang signature duet. Pakinggan naman ang kantahan nina Rockoustic Heartthrobs na sina Kobie Brown, Blackburn, Anthony Meneses, at Luke Alford kasama ang singer-songwriter na si Amiel Sol.
Pangmalakasan din ang pagtatagnhal nina Alexa Ilacad at Supahdancers AC Bonifacio, Darren, at Gela Atayde, tampok ang viral hits na “Party 4 U” at “Gnarly.” Abangan rin ang bigay na bigay na moves nina Fyang Smith, Rain Celmar, at Jas Scales.
Samantala, magbibigay-pugay ang “ASAP” para kay Freddie Aguilar na pangungunahan nina Gary, Erik, Jed Madela, Angeline, Yeng, at Morissette.
Hindi magiging kumpleto ang Sunday viewing kung wala ang mga host na sina Robi Domingo, Darren, Belle, Donny Pangilinan, Edward Barbers, at Alexa Ilacad.
Lahat ng ito, mapapanood ninyo ngayong Linggo mula sa longest-running at award-winning musical variety show sa bansa,
"ASAP," 12 NN sa local TV sa Kapamilya Channel, Jeepney TV, A2Z, at TV5, online sa Kapamilya Online Live at iWantTFC, at worldwide via TFC.
Para sa updates, sundan ang @abscbnpr sa Facebook, X, Instagram, at TikTok o bisitahin ang
www.abs-cbn.com/newsroom.