Pangungunahan ni Gerald Anderson ang “Sins Of The Father” bilang si Samuel na guguho ang mundo dahil sa isang scam kung saan kasangkot ang kanyang ama. Mapapanood ito simula Hunyo 23 (Lunes) sa Kapamilya Channel, Kapamilya Online Live, A2Z, TV5, iWant, at TFC.
Umani ng excitement at papuri ang inilabas na trailer dahil sa sariwang kwento na hatid ng teleserye.
“This is new. Not revenge plot but facing the unfortunate event,” sabi ni @sharplance8393.
“Ang ganda nito. Networking ang atake… Basta tatak ABS-CBN maganda talaga ang teleserye. Tatak world-class at star-studded powerhouse cast,” ayon naman kay @junzkieaureal8409.
Excited din ang fans sa teleserye comeback ni Gerald.
“Yes! May aabangan na naman akong teleserye! Tagal ko nang walang sinusubaybayang teleserye! Pero ito gabi gabi ko ito paglalaanan ng oras para mapanood, syempre andyan si lodi Gerald Anderson Jr.,” ani @Aamhaya.
Pinuri rin ng netizens ang bumubuo sa cast ng Kapamilya teleserye.
“The casting is giving chef kiss omg!!!,” post ni @mariellevergara3711.
Makakasama ni Gerald sina Jessy Mendiola, Shaina Magdayao, JC De Vera, RK Bagatsing, Francine Diaz, Seth Fedelin, Lotlot de Leon, Joko Diaz, Soliman Cruz, Jerald Napoles, Nico Antonio, Alex Medina, Aubrey Miles, Jeremiah Lisbo, LA Santos, JV Kapunan, Elyson De Dios, at Tirso Cruz III. May special participation din dito si John Arcilla bilang ama ni Samuel (Gerald).
Mula ang “Sins Of The Father” sa produksyon ng JRB Creative Production sa pangunguna ng business unit head nito na si Julie Anne R. Benitez. Isinulat ito ni Dindo Perez at sumasailalim sa direksyon nina FM Reyes at Bjoy Balagtas.
Para sa karagdagang impormasyon sa “Sins Of The Father,” sundan ang JRB Creative Production sa
Facebook,
X (Twitter) (@JRBcreativeprod),
Instagram (@JRBcreativeproduction), at
TikTok (@jrbcreativeprod).
Para sa iba pang updates, sundan ang @abscbnpr sa
Facebook,
X (Twitter),
Instagram, at
Tiktok o bisitahin ang
https://corporate.abs-cbn.com/newsroom/news-releases.