1MX Sydney promises an 8-in-1 music experience, bringing in eight concerts from today's talked-about Pinoy and international artists all in one day
Hatid ng ABS-CBN Global at MYX
Sanib-pwersa sina Maymay Entrata, KZ Tandingan, BINI, Ben&Ben, at iba pang international acts para magbigay saya abroad para sa 1MX Sydney Music Festival ng ABS-CBN Global at MYX ngayong Oktubre.
Aabangan ang pag-kabog ni Maymay sa Sydney stage, hatid ang kanyang hits na "Amakabogera," "Autodeadma," at "Tsada Mahigugma." Hindi rin pahuhuli ang Asia's Soul Supreme na si KZ habang lalarga naman ang P-Pop fever sa Australia sa pagdating ng all girl-group na BINI, pati ang ikatlong 1MX performance ng bandang Ben&Ben.
Maliban pa rito, aarangkada rin ang performances ng ilang global artists, tulad nina Australian R&B singer William Singe, "Eurovision Royalty" Dami Im, on-the-rise artist Milky Day, at social media pop sensation Keenan Te.
Matapos ang matagumpay nitong shows sa London noong Hulyo at Toronto nitong Setyembre, gaganapin ang bigating 8-in-1 concert experience na ito ngayong Linggo (Oktubre 8) sa The Hordern Pavilion. Mabibili na ang tickets nito sa www.1musicx.com/sydney o sa mismong venue.
Bisitahin din ang mytfc.com o i-follow ang TFC sa Facebook (fb.com/KapamilyaTFC), Twitter, and Instagram (@kapamilyatfc) para sa ibang 1MX Sydney updates.
Para sa iba pang Kapamilya updates, sundan ang @abscbnpr sa Facebook, X, TikTok, at Instagram o bisitahin ang www.abs-cbn.com/newsroom.