Vice handog ang good vibes ngayong Pasko
Rarampa na ang pang-malakasang good vibes ng Unkabogable Star na si Vice Ganda sa bago niyang online travel vlog series sa iWantTFC na “Gandara The Beksplorer Season 2.” Eksklusibo itong mapapanood nang libre sa iWantTFC simula Disyembre 15 (Biyernes).
Siguradong mabubusog sa tagos sa pusong chikahan at kainan ang mga manonood dahil lilibutin ni Vice ang iba’t ibang parte ng Pilipinas para maki-food trip at maka-kwentuhan ang iba-ibang mga Kapamilya para maghatid ng saya at maagang Pamasko.
Makakasama ni Vice sa kulitan at masasayang road trip ang mga kaibigan niyang “beksplorer” na sina Petite, Tetay, Beki Velo, at iba pang special guests. Dadayuhin nila ang iba’t ibang lugar sa bansa tulad ng Batangas, Quezon, Naga, Camarines Norte, Misibis Bay, Albay, Bicol, at Sorsogon.
Nag-viral ang “Gandara The Beksplorer” nang inilabas ito sa YouTube channel ni Vice kung saan naantig ang netizens sa pamamahagi ni Vice ng munting biyaya upang matulungan at magbigay saya sa kapwa niyang Pilipino.
Samahan si Vice sa kanyang road trip at i-stream nang libre ang unang dalawang episode ng “Gandara The Beksplorer Season 2” simula Disyembre 15 (Biyernes) sa iWantTFC app (iOS at Android) o website. Mapapanood naman ang episodes three at four sa Disyembre 22, habang may bagong episode na ipapalabas kada Biyernes simula Enero 5.
Mapapanood din ang iWantTFC sa mas malaking screen sa ilang devices gaya ng VEWD, ROKU, at Amazon Fire streaming devices, Android TV, piling Samsung Smart TV models, Telstra TV (available lamang sa Australia) para sa users sa labas ng Pilipinas, at VIDAA para sa piling mga bansa. Available na rin ang iWantTFC via Chromecast at Airplay. Para sa kumpletong listahan ng compatible devices, sign in instructions, at account activation, bisitahin ang https://bit.ly/iWantTFC_TVDevices.
Para sa updates, i-follow ang www.facebook.com/iWantTFC at @iwanttfc sa X (formerly Twitter) at Instagram, at mag-subscribe sa www.youtube.com/iWantTFC. Kung may mga katanungan naman, mag-e-mail sa support@iwanttfc.com.