Umulan man o umaraw, live na live muli ang inyong paboritong weekend viewing habit, hatid ang fresh performance ng Ben&Ben, all-heartthrob pasabog nina Inigo, Darren, Kyle, at BGYO, at marami pang mainit-init na sorpresa ngayong Linggo (Hulyo 2) sa "ASAP Natin 'To" sa Kapamilya Channel, A2Z, at TV5.
Sa isang ASAP exclusive, maki-jam kasama ang isa sa most-streamed bands ngayon na Ben&Ben, hatid ang kanilang bagong awiting ipe-perform onstage. Samantala, magpapakilig naman sa ASAP homies ang paborito ninyong OPM heartthrobs na sina Inigo Pascual, Darren, Kyle Echarri, at BGYO.
May trending hits kantahan at sayawan naman mula kina Concert King Martin Nievera, Anji Salvacion, Jason Dy, Joao Constancia, Jameson Blake, at ang buong ASAP family kasama sina Robi Domingo at Edward Barber.
Tag-ulan man, iinit pa rin ang dancefloor sa hatawan nina AC Bonifacio at Maymay Entrata kasabay ang kinagigiliwang Kapamilya leading ladies na sina Belle Mariano at Alexa Ilacad.
Abangan din ang pa-sorpresa ng bagong Kapamilya digital series na "Fit Check: Confessions of an Ukay Queen," tampok sina ASAP dance royalty Kim Chiu kasama ang co-stars niyang sina Jake Ejercito, KaladKaren, Lie Reposposa, Justine Luzares, Frenchie Dy, at Angel Aquino.
Tuloy-tuloy ang buhos ng trending collabs, tulad ng divas biritan nina Kyla at Asia's Songbird Regine Velasquez, pati ang Broadway hits kantahan nina Jona, Jed Madela, John Arcilla, at viral singer Lara Maigue.
Magpapatalbugan muli sina Angeline Quinto, Jona, Jed, Klarisse de Guzman, Jason Dy, Lucas Garcia, Reiven Umali, Khimo Gumatay, Sam Mangubat, JM Yosures, Sheena Belarmino, at Fana sa kanilang all-champions tapatan.
At huwag palampasin ang trending OPM hits kantahan nina Gary Valenciano, Zsa Zsa Padilla, Erik Santos, Martin, Angeline, Darren, at Regine sa "The Greatest Showdown."
Live na live ninyong mapapanood ang concert experience na ito mula sa longest-running at award-winning musical variety show sa bansa, ngayong Linggo, 12 ng tanghali sa local TV sa Kapamilya Channel, Jeepney TV, A2Z, at TV5, online sa Kapamilya Online Live at iWantTFC, at worldwide via TFC.
Para mapanood ito sa TV5 at A2Z, i-rescan lang ang digital TV box na ginagamit sa bahay, gaya ng TVplus.
Para sa updates, sundan ang @abscbnpr sa Facebook, Twitter, TikTok, at Instagram o bisitahin ang www.abs-cbn.com/newsroom.