Kio Priest, inilunsad ang bagong single na "Cool With U"

Inilabas na ng baguhang queer artist na si Kio Priest ang kanyang bagong pop single na "Cool With U."
 
Sa kanyang isinulat na kanta, ikinuwento ni Kio ang pakiramdam ng taong handang magmahal sa gitna ng maraming insecurities. Ito ang unang awitin ni Kio na inilunsad sa ilalim ng Star Pop.
 
“It’s a song about finding people who make you feel safe. May you have less noise in your head and it’s okay to depend on someone or a few extra peeps,” saad niya.
 
Patikim lamang ang “Cool With U” sa nalalapit na EP ni Kio na maglalaman ng kanyang mga orihinal na komposisyon.
 
"Can’t wait to take on a brand new journey and have a mini body of work to let you all experience. I’ve been working so hard recently and trying to come up with songs that you will like while honing my songwriting skills," kwento ni Kio.
 
Bilang isa sa bagong mukha ng queer music, nakapaglabas na si Kio ng ilang awitin tulad ng "Die First," "Sugar Baby," at "Just A Lie." Kilala rin siya sa kanyang covers tulad ng rendition niya ng "Paligoy-ligoy" ni Nadine Lustre na nag-viral at umani ng mahigit 120,000 streams. Samantala, tampok ang bagong single niya na "Cool With U" sa Spotify New Music Friday Philippines, Thailand, Malaysia, Indonesia, at Singapore.
 
Pakinggan ang bagong single ni Kio na “Cool With U” na available sa iba’t ibang music streaming platforms. Para sa ibang detalye, sundan ang Star Pop sa Facebook, Twitter, Instagram, at TikTok.
 
Para sa iba pang updates, sundan ang @abscbnpr sa Facebook, Twitter, Instagram, at TikTok o bisitahin ang www.abs-cbn.com/newsroom.