Kice, ipinaglaban ang pag-ibig sa bagong single na "Lose Control"

Pag-ibig na nais isalba ang ibinida ng dating “Idol Philippines” season 2 finalist na si Kice sa kanyang bagong single na “Lose Control.” 

Isinulat ni Kice ang awitin base sa kanyang personal na karanasan habang iprinodyus naman ito ni Gab Tagadtad.

"It wasn't actually inspiring but sad. It was based on real life events and everything in the lyrics of the song happened exactly the way I said it. I just turned it into a happy sounding song so people could enjoy it but deep down it was supposed to be a sad song," saad ni Kice.

Nagsimula siya sa industriya nang sumali siya sa ikalawang season ng “Idol Philippines” kung saan nasungkit niya ang ikatlong pwesto. Matapos ang kanyang “Idol PH” journey ibinahagi niya ang mahalagang aral na kanyang natutunan.

Aniya, “You don’t get everything you want. That’s why you gotta be grateful for the things you have now and always be nice."

Bilang recording artist, binigyang boses niya ang awitin na “Simulan” na naging theme song ng primetime series na “Dirty Linen.” Kamakailan lang inilabas din ni Kice ang music video para sa awitin na “Only Girl” kung saan nakasama niya ang Kapamilya aktres na si Daniella Stranner.

Pakinggan ang bagong single ni Kice na “Lose Control” na available na sa iba’t ibang music streaming platforms. Para sa ibang detalye, sundan ang Star Pop sa Facebook, Twitter, Instagram, at TikTok.

Para sa iba pang updates, sundan ang @abscbnpr sa Facebook, Twitter, Instagram, at TikTok o bisitahin ang www.abs-cbn.com/newsroom.