The PBB fever continues as Kuya invites his Big 4 Housemates Fyang, Rain, Kolette, and Kai back to his iconic house to retell their journey and feature more never-before-seen Gen 11 footage in its newest show "PBB Gen 11: Big 4Ever"
Mapapanood na gabi-gabi simula December 9 sa Kapamilya Channel, Kapamilya Online Live, A2Z, at TV5
Magbabalik-bahay ni Kuya ang Big Winner na si Fyang at kapwa Big 4 Housemates na sina Rain, Kolette, at Kai para ibahagi ang kanilang experiences sa panibago nitong reality docu series na "PBB Gen 11: Big 4Ever," na mapapanood gabi-gabi simula December 9 (Lunes).
Pumatok sa madla ang Gen 11 season ng PBB kung saan naging usap-usapan ang ilang trending moments nito sa loob ng bahay pati mga makabagbag-damdaming kaganapang tumagos sa mga puso ng mga manonood. Bukod dito, naging historic din ang Big Night episode nito na humakot ng mahigit 2.26 million concurrent views sa Kapamilya Online Live.
Dahil patuloy pa rin ang Gen 11 fever, may special treat si Kuya sa pagbabalik ng Big 4 sa kanyang bahay para ibahagi ang kanilang karanasan bilang Housemates at mga baong aral na kanilang idinala sa outside world.
Maliban dito, tampok din sa bagong show ang never-before-seen footage na nakunan sa loob ng bahay at sasabak muli ang Big 4 sa ilang mini-challenges ni Kuya kasama ang ex-Gen 11 Housemates na sina JM, Jas, Jarren, Binsoy, Dylan, at iba pa na dapat abangan.
Hosted by Bianca Gonzalez at Robi Domingo, mapapanood na ang "PBB Gen 11: Big 4Ever" gabi-gabi mula Lunes hanggang Biyernes simula December 9, 9:30 ng gabi, sa Kapamilya Channel, Kapamilya Online Live, iWantTFC, A2Z, at TV5.
Para sa iba pang updates, i-follow ang @ABSCBNPR sa Facebook, X, Instagram, at TikTok o bisitahin ang www.abs-cbn.com/newsroom.