ABS-CBN continues to receive love and support from the academic community as it earned 11 awards including Best Media Company from the University of Perpetual Help JONELTA System’s 1st Perpetualites’ Choice Awards on Friday (Mar 1).
Vice Ganda, big winner sa Perpetualites
Patuloy na nakakatanggap ng mainit na suporta at pagmamahal ang ABS-CBN mula sa academic community dahil muli itong nakakuha ng 11 parangal kabilang na ang Best Media Company mula sa kauna-unahang Perpetualites’ Choice Awards ng University of Perpetual Help JONELTA System noong Biyernes (Mar 1).
Pinarangalang Best Noontime Variety Show ang “It’s Showtime”, habang tinanghal namang Best Female TV Personality at Best Noontime Variety Show Host sina Anne Curtis at Vice Ganda.
Nananatili namang tunay na 'Unkabogable' si Vice sa mga kabataan nang manalo rin siya bilang Best TV Personality, Best Game Show Host, at Most Service Oriented Media Personality.
Nagwagi rin ang Star Magic artists na sina Seth Fedelin at Francine Diaz bilang Best Young Male at Female Media Personality. Samantalang nakuha naman nina Kathryn Bernardo at Daniel Padilla ang parangal na Best Love Team.
Hinirang namang Best Female Solo Artist ang "ASAP Natin 'To" singer na si Moira dela Torre.
Ibinoto ng Perpetualites mula sa iba't ibang campus ng University of Perpetual Help JONELTA System sa Isabela, Pangasinan, Manila, GMA, Pueblo de Panay, at Laguna ang mga nagwagi sa 1st Perpetualites' Choice Awards.
Para sa iba pang mga balita, i-follow ang @ABSCBNPR sa Facebook, X (dating Twitter), Instagram, TikTok, at Threads, o i-click ang www.abs-cbn.com/newsroom.