Isa na namang nakakaindak na awitin ang handog ng nation’s girl group na BINI na pinamagatang “
Cherry on Top” at napapakinggan na ngayon sa iba’t ibang music streaming platforms.
Tampok sa
music video nito ang BINI members na sina Aiah, Colet, Maloi, Gwen, Stacey, Mikha, Jhoanna, at Sheena na may eye-popping visuals at dynamic choreography na swak sa summer vibe sound ng awitin.
Naging bahagi agad ng Spotify New Music Friday charts sa Korea, Australia & New Zealand, Malaysia, Indonesia, Taiwan, Hong Kong, Singapore, Japan, at Philippines ang “Cherry on Top.” Nanguna rin ito sa iTunes Philippines habang agad nag-trending ang music video nito sa no. 1 sa YouTube Philippines (Trending for music).
Sinusundan ng “Cherry on Top” ang “Talaarawan” EP drop ng grupo noong Marso, na nagtatampok sa mga patok nilang awitin na “Karera,” “Salamin, Salamin,” at “Pantropiko.”
Samantala, pagkatapos ng kanilang sold-out three-day concert sa New Frontier Theater, umaarangkada na ang kanilang “BINIverse” tour sa iba’t ibang bahagi ng bansa ngayong Hulyo at susundan naman ng kanilang North American tour sa susunod na buwan.
Kinikilala ngayon bilang next pop sensation mula sa Asya ang BINI na nagsimula sa “Star Hunt Academy” ng ABS-CBN. Kamakailan ay nakapasok na sila sa Global Top Artist Chart ng Spotify at nagsilbing unang Filipino artist na nagkamit nito. Ilan sa mga natanggap na parangal ng grupo ang Rising Star Award for Women in Music mula sa Billboard Philippines, “Ones to Watch” mula sa Rolling Stone, MTV Asia's Artist Spotlight title, at isa sa 2024 Girl Groups na aabangan ayon sa Teen Vogue.
Napapakinggan na ang “Cherry on Top” single ng BINI sa iba’t ibang music platforms:
https://orcd.co/bini-cherryontop. Panoorin ang official music video nito sa YouTube:
https://www.youtube.com/watch?v=wufUX5P2Ds8.
Sundan ang BINI_ph sa
Facebook,
X (Twitter),
Instagram, at
TikTok, at mag-subscribe sa kanilang official YouTube channel,
BINI Official para sa updates.
Para sa karagdagang detalye, sundan ang Star Music sa
Facebook,
X (Twitter),
Instagram,
TikTok, at
YouTube.