Panoorin ang mga pagtatanghal mula sa “ASAP” icons na sina Gary, Martin, Regine, Ogie, Zsa Zsa, Erik at iba pa
May FOMO ka ba sa ASAP California?
Ipapalabas na ang first part ng sold-out “ASAP Natin 'To” California reunion concert tampok ang performances mula sa bigating Kapamilya stars ngayong Linggo (Agosto 11) sa Kapamilya Channel, A2Z, at TV5.
Abangan ang all-star opening pasabog nina Gary Valenciano, Martin Nievera, Regine Velasquez, Ogie Alcasid, Zsa Zsa Padilla, Erik Santos, Piolo Pascual, Kyle Echarri, Darren Espanto, Donny Pangilinan, Belle Mariano, Janella Salvador, Yeng Constantino, at KZ Tandingan na kumanta ng hit songs ng iconic OPM bands.
Umabot na rin sa US ang BINI fever dahil matutunghayan ngayong Linggo ang espesyal na mini-concert performance mula sa Nation Girl Group tampok ang kanilang trending songs na "Cherry On Top," "Salamin, Salamin" at "Pantropiko."
Saksihan ang hottest collab performances ng Kapamilya leading ladies na sina Anne Curtis, Lovi Poe, at Kim Chiu, kasama ang G-Force, at ng Kapamilya leading men na sina Piolo, Paulo Avelino, Darren, Kyle, Inigo Pascual, Joshua Garcia, Donny Pangilinan, at Robi Domingo.
Samahan din ang "ASAP" family sa pagdiriwang ng 60th birthday ni Gary kasama sina Maymay, AC Bonifacio, kanyang mga anak na sina Gab at Kiana, pati na ang G-Force at Junior New System. Abangan din ang handog ng “ASAP” na solo numbers nina Anne, Maymay Entrata, at Bamboo.
Maghanda naman sa isang world-class Pinoy vocal talents showdown hatid nina Martin, Regine, Erik, Darren, Yeng, Jona, Klarisse De Guzman, at Jaya. Makakasama nila rito sina Garth Garcia mula sa "Star In A Million", Justin at Jeremy Garcia mula sa "The Voice US", Jules Aurora mula sa "X-Factor", James Calacsan mula sa World Championships of Performing Arts, Kaylee Brooke mula sa "The Voice US" at musikero na si Troy Laureta.
Pasabog rin na closing performance ang hindi dapat palampasin ng manonood mula kina Gary, Martin, Regine, Ogie, Zsa Zsa, Erik, Darren, KZ Piolo, at ng "ASAP" family sa pagdiriwang nila ng ika-30 anibersaryo ng TFC.
Lahat ng ito, mapapanood ninyo ngayong Linggo mula sa longest-running at award-winning musical variety show sa bansa, "ASAP Natin 'To," 12 NN sa local TV sa Kapamilya Channel, Jeepney TV, A2Z, at TV5, online sa Kapamilya Online Live at iWantTFC, at worldwide via TFC.
Para sa updates, sundan ang @abscbnpr sa Facebook, X, Instagram, at TikTok o bisitahin ang www.abs-cbn.com/newsroom.