Abangan rin sina Andrea, Darren, at KDLex
Walang tatalo sa isang Linggo na kasama ang “ASAP” na handog ang isang free concert experience tampok ang kamangha-manghang performances mula kina Andrea Brillantes, Maki, KDLex, Moira Dela Torre, Morissette, Regine Velasquez, at iba pa ngayong Linggo (Setyembre 22) sa Kapamilya Channel, A2Z , at TV5.
Bumilib naman sa awitin ng vocal powerhouses na sina Regine at Morissette na kakanta ng rock anthems. Abangan naman sina Maki at Moira na may solo performances ng kanilang hit songs at sina KD Estrada at Alexa Ilacad na may nakakakilig na duet.
Nagbabagang dance number ang hatid ni Andrea kasama ang iba pang Dance Sirens na sina Chie Filomeno and Anji Salvacion.
Hindi naman kumpleto ang isang concert kung wala ang natatanging Concert King Martin Nievera na hatid ang kanyang greatest hits kasama ang mga OPM icon na sina Gary Valenciano, Regine, Ogie Alcasid, at Erik Santos.
Tampok rin sa “ASAP” concert ang collab performance nina Gary, Erik, at Jona, ang fresh duet nina Ogie at Regine, ang nakakamanghang solo act mula kay Darren, at ang nakakabilib na biritan mula sa singing champions.
Samantala, abangan ang mga new gen performance mula sa Rockoustic Heartthrobs at Supah Dancers. Bonggang karaoke session naman ang hatid ng "ASAP" all-stars at nakakatuwang pag-uusap mula sa “ASAP” hosts.
Panoorin ang free concert experience sa “ASAP” ngayong Linggo, 12 NN, sa local TV sa Kapamilya Channel, Jeepney TV, A2Z, at TV5, online sa Kapamilya Online Live at iWantTFC, at worldwide sa TFC.
Para sa updates, sundan ang @abscbnpr sa Facebook, X, Instagram, at TikTok o bisitahin ang www.abs-cbn.com/newsroom.