Kalokalikes nina Carlos at Chloe, patok sa netizens...
Pasabog at pinag-usapan sa social media ang pagbabalik ng "Kalokalike Face 4" sa It’s Shwotime na nanguna sa trending list ngayong araw matapos kinagiliwan ng netizens ang pakulo ng kalokalikes nina Carlos Yulo, Chloe San Jose, at Ruru Madrid.
Sa unang episode, itinanghal bilang winner si Andres Soriano na ka-face ng two-time Olympic gold medalist na si Carlos Yulo dahil sa mahusay niyang mala-Carlos Yulo na dance moves. Pati na ang movements sa gymnastics ni Caloy ay kuhang-kuha ni Andres kaya naiuwi niya ang premyong P10,000.
Na-impress nga niya ang hurados na sina Jugs Jugueta at Teddy Corpuz, Bianca Umali, at Ruffa Mae Quinto. At mainit na tinanggap ng netizens sa pagbabalik ng hit segment dahil sa mga hirit ng hosts at sa pagiging kwela ng contestants ng "Kalokalike."
Umani nga ng lampas 300,000 concurrent views ang nasabing episode at nagtrend din sa social media ang hosts at contestants.
Panoorin sa "It's Showtime," tuwing 12:00PM sa A2Z, Kapamilya Channel, Kapamilya Online Live, GMA, GTV, Kapamilya Online Live, ABS-CBN Entertainment YouTube channel at Facebook page, at sa iWantTFC, TFC, at GMA Pinoy TV. Panoorin din ang online show nila na "Showtime Online U," sa YouTube channel ng "It's Showtime."
Para sa updates, sundan ang @abscbnpr sa Facebook, Twitter, at Instagram o bisitahin angwww.abs-cbn.com/newsroom.