Coco Martin’s much anticipated transformation as Tanggol is here!
Netizens, natuwa sa bagong bihis na Tanggol
Nandito na ang bagong Tanggol!
Mayaman at bagong bihis na Coco Martin bilang “bagong Tanggol” ang masusubayan sa mas maaksyong “FPJ’s Batang Quiapo.”
Biglang nagbago ang kapalaran ni Tanggol dahil matagumpay niyang ibinenta ang diyamanteng Star of Venus sa mayamang negosyanteng si Divina (Rosanna Roces). Kapalit nito, kasosyo na si Tanggol sa negosyo ni Divina na milyon-milyon ang halaga.
Sa kabila ng pagyaman ni Tanggol, mukhang hindi pa rin siya tatantan ng kaliwa’t kanan na gulo dahil makikilala niya ang ilang makapangyarihang grupo na sangkot sa iligal na negosyo.
Sabik naman ang netizens sa bagong Tanggol at inaabangan na rin nila ang mas kapanapanabik na action scenes.
“Wow astig Ang dating mo Idol Pogi!!” komento ni Emilia Corpuz.
“Wowww nakaka excite namn ang mga susunod na kabanata,” post ng netizen na si MRose Strong.
“lalong gumaganda ang batang quiapo. nice tanggol abangn namin,” sabi ng TikTok user na si Jopay.
Huwag palampasin ang maaaksyong kaganapan sa “FPJ’s Batang Quiapo,” na hango sa orihinal na kwento ng Regal Films, gabi-gabi ng 8 PM sa Kapamilya Channel, A2Z, TV5, iWantTFC, at Kapamilya Online Live sa YouTube channel at Facebook page ng ABS-CBN Entertainment. Available ang latest episodes nito sa loob ng 21 na araw matapos silang unang ipalabas sa Kapamilya Online Live sa YouTube. I-rescan lang ang anumang digital TV box na ginagamit sa bahay, gaya ng TVplus box, para mapanood sa TV5 at A2Z ang mga bagong episode ng “FPJ’s Batang Quiapo.” Mapapanood din ito sa labas ng Pilipinas sa pamamagitan ng iWantTFC at The Filipino Channel (TFC) sa cable at IPTV.
Para sa iba pang updates, sundan ang @abscbnpr sa Facebook, X, Instagram, at TikTok o bisitahin angwww.abs-cbn.com/newsroom.