‘Mall prince’ may bagong journey sa ilalim ng StarPop
Pangako na laging pipiiling umibig ang inalay ng baguhang Kapamilya singer at tinaguriang ‘mall prince’ na si Emman Franc sa kanyang awitin na “Laging Ikaw.”
Inilarawan ni Emman na “dream come true” para sa kanya ang pagiging bahagi ng ABS-CBN record label na StarPop. Kasabay ng bagong awitin ay ipinagdiwang din niya ang kaarawan.
“As I celebrate my birthday, I find myself overwhelmed with gratitude for God’s grace and blessings. I would like to take this opportunity to extend my sincerest thanks to some pivotal figures who have made this moment possible. A special thank you to StarPop label head Rox Santos and ABS-CBN Music head of creatives, content & operations sir Jonathan Manalo for your unwavering support and belief in my potential,” saad niya sa Instagram post.
Ang “Laging Ikaw” ay mula sa komposisyon at produksyon ni Gab Tagadtad.
Nakilala ang 19-year-old singer bilang ‘the mall prince’ dahil sa tumataktak na performances niya sa iba’t ibang mall shows. Noong 2020, inilabas niya ang debut single na “Walang Aayaw.” Bukod sa musika, pinasok din niya ang hosting, acting, at modelling sa murang edad.
Si Emman ay isang advocate for people with disability at ambassador ng Grains Foundation for PWD, Inc. Pinarangalan din siya bilang Ulirang Kabataan Awardee 2025. Kasalukuyang tinatapos niya ang pag-aaral sa Southville International School.
Napapakinggan ang “Laging Ikaw” ni Emman Franc sa iba’t ibang streaming platforms. Para sa ibang detalye, sundan ang StarPop sa Facebook, X (Twitter), Instagram, at TikTok.
Para sa iba pang updates, sundan ang @abscbnpr sa Facebook, X (Twitter), Instagram, at TikTok o bisitahin ang corporate.abs-cbn.com/newsroom.