‘One-of-a-kind’ vocals ni Zia, maririnig sa “Reto Na Naman”
Nagbabalik sa spotlight si Zia Quizon sa kanyang pagpirma ng kontrata sa Star Music label ng ABS-CBN at paglunsad ng bagong awitin na “Reto Na Naman.”
“Parang loyal ako to a fault, this is the only world I know. Wala akong memory of ever na parang not involved with ABS-CBN in this world,” ani Zia sa pagiging bahagi ng Kapamilya label.
Naganap ang contract signing at music launch niya sa Dolphy Theater noong Huwebes (Nob. 13), kung saan inawit niya ang mga pinasikat na kanta na “Ako Na Lang” at “Bakit Hindi Ka Crush ng Crush Mo” at ang bagong handog na “Reto Na Naman” na mula sa composer na si Jungee Marcelo.
Ibinahagi ni ABS-CBN Music and Integrated Events head Roxy Liquigan na talagang na-miss nila ang tunog at presence ni Zia.
“When I was talking to Jonathan, I told him ‘I miss Zia Quizon!,’ yung sound niya, yung presence. And then finally when we met her ulit, this is it. We should prepare. And of course, sino pa ba ang tatawagin natin is yung perennial mentor and adviser and composer, Jungee Marcelo,” kwento ni Roxy.
Samantala, ipinahayag naman ni ABS-CBN Music creatives, content, and operations head Jonathan Manalo ang excitement nila na maging opisyal na bahagi ng kanilang roster ng recording artists si Zia.
“Pag naririnig mo kasi yung boses ni Zia, it’s one of its kind, fearless, standalone, nag-iisa lang, walang katulad, kaya sobrang proud kami sa Star Music to finally call you our artist,” sabi niya.
Kasama rin sa event sina Cornerstone Entertainment president at founder Erickson Raymundo, vice president Jeffrey Vadillo, Star Music label head Andie Arellano, at talent manager na si Nene Atillano. Dumating din ang ina ni Zia, si Zsa Zsa Padilla para sumuporta sa kanilang anak ng Comedy King na si Dolphy.
Ayon kay Erickson, patikim lamang ang bagong single ni Zia sa kanilang mga plano para sa mang-aawit, na kanilang imamanage katulong ng Star Music.
Aniya, “Nung lumapit sa amin for a meeting si Zia, we were very, very excited kasi fan kami, so ang sarap mag-manage kapag fan ka ng isang artist. And now, this is just the first ng maraming mangyayari. We were just waiting for the launch of the single and to partner with Star Music, alam namin na marami kaming magagawa for you.”
Napapakinggan na sa iba’t ibang streaming platforms ang “Reto Na Naman” ni Zia. Para sa karagdagang detalye, sundan ang Star Music PH sa Facebook, X (Twitter), Instagram, TikTok, at YouTube.
Para sa iba pang updates, sundan ang @abscbnpr sa Facebook, X (Twitter), Instagram, at TikTok, o bisitahin ang corporate.abs-cbn.com/newsroom.
