Wagi bilang Best Adaptation of an Existing Format (Scripted)
Patuloy na nagdadala ng Pinoy pride ang ABS-CBN sa buong mundo matapos magwagi ang “Saving Grace” bilang grand winner ng Best Adaptation of an Existing Format (Scripted) sa 2025 Asian Academy Creative Awards na ginanap kagabi (Disyembre 4) sa Singapore.
Nirepresenta ng “Saving Grace,” ang Philippine adaptation ng Nippon TV series na “Mother,” ang Pilipinas kung saan nakasama nito sa kategorya ang mga programa mula sa iba’t ibang bansa sa Asia Pacific Region.
Ang “Saving Grace” ay isang heavy drama na pinagbibidahan nina Julia Montes, Zia Grace, at Sharon Cuneta. Tungkol ito sa isang guro ng elementary school na kinidnap ang kanyang estudyanteng inaabuso ng sariling magulang.
“To the Asian Academy, thank you for seeing the heart of our work. This triumph is not ours alone, but for every Filipino whose story is one of fortitude, triumph, and healing. May our story be a source of inspiration as we share it with the world,” sabi ni ABS-CBN business unit head Roda dela Cerna matapos tanggapin ang award.
Ang Asian Academy Creative Awards ay kumikilala sa mga huwarang palabas at media productions sa rehiyon.
Para sa ibang updates, sundan ang @abscbnpr sa Facebook, X, Instagram, at TikTok, o bisitahin ang corporate.abs-cbn.com/newsroom.
