Alay ang kanta para sa mga hopeless romantic
Makasama ang taong iniibig ang hilig ng baguhang singer-songwriter na si Jeri Violago sa kanyang bagong awitin na “Ako Na Sana.”
Inilabas rin ng Tarsier Records artist ang music video nito na hango sa isang reality dating show kung saan hinahanap niya ang posibleng bubuo sa kanyang puso. Tampok dito si Jae Miranda bilang host at sina Erika Davis, Julia Santiago, at Kanata Tapia bilang single ladies na contestants.
Isinulat ito ni Jeri at iprinodyus ni ABS-CBN Music over-all creative, content, and operations head Jonathan Manalo.
Sa murang edad ay sumabak na si Jeri sa iba’t ibang shows at singing contests. Naging bahagi rin siya ng theatrical plays ni Ryan Cayabyab mula 2014 hanggang 2016. Sa kalagitnaan ng pandemya, pinasok naman niya ang mundo ng music production at songwriting at naging opening act para sa iba’t ibang OPM artists tulad nina Over October, Vina Morales, Jona Viray, Bo Cerrudo, Marco Sison, Nonoy Zuniga, at marami pang iba.
Noong 2023, inilunsad ni Jeri ang mga awitin na “Di Ka Mag-iisa” at “Gusto Kita.” Pinarangalan din siya bilang Best New Male Artist sa 2023 Aliw Awards.
Available na ang “Ako Na Sana” single ni Jeri sa iba’t ibang streaming platforms. Para sa detalye, sundan ang Tarsier Records sa Facebook, X (Twitter), Instagram, TikTok, at YouTube.
Para sa iba pang updates, sundan ang @abscbnpr sa Facebook, X (Twitter), Instagram, at TikTok o bisitahin ang corporate.abs-cbn.com/newsroom.