All-time favorite loveteams, tampok sa Valentine’s movie marathon
Magpapasikat ang “It’s Showtime” host na si Anne Curtis sa Blockbuster Sundays ng Cinema One na mapapanood tuwing Linggo, 7pm ngayong Pebrero.
Samahan si Anne bilang ang mapang-akit na si Kara sa “No Other Woman” (Peb. 9), competitive na kapatid na si Morissette sa “The Mall, The Merrier” (Peb. 16), at party girl na si Mitch sa “When Love Begins” (Peb. 23).
Magbalik-tanaw kasama ang inyong favorite loveteams sa Romance Central na ipapalabas tuwing Linggo, 5pm. Saksihan ang “Just The Way You Are” nina Liza Soberano at Enrique Gil (Peb. 9), “He’s Into Her: The Moviecut Part 1” nina Donny Pangilinan at Belle Mariano (Peb. 16), at “Vince & Kath & James” nina Joshua Garcia at Julia Barretto (Peb. 23).
Handog din ng Cinema One ang espesyal na Valentine’s movie marathon tampok ang ilang box-office tandems na nagpakilig sa mga manonood. Huwag palampasin ang “Starting Over Again” nina Piolo Pascual at Toni Gonzaga, “The Hows of Us” nina Kathryn Bernardo at Daniel Padilla, ang digitally restored at remastered version ng “Labs Kita…Okey Lang?” nina Jolina Magdangal at Marvin Agustin, “A Very Special Love” nina Sarah Geronimo at John Lloyd Cruz, at marami pang iba ngayong Peb. 14 (Biyernes).
Samantala, makakakuwentuhan ni Bianca Gonzalez sina Ian Veneracion at John Prats sa bagong episodes ng “The B Side” ngayong Peb. 14 at 28. Ipapalabas din ang replays nito sa cable tuwing Sabado, 6pm, Linggo, 9pm, at Lunes, 10am.
Available ang Cinema One, ang tahanan ng Filipino blockbuster movies, sa SKYcable ch. 56, Cignal ch. 45, GSat Direct TV ch. 14, at iba pang local cable service providers. Para sa karagdagang detalye, sundan ang Cinema One sa Facebook, X (Twitter), Instagram, TikTok, at YouTube.
Para sa iba pang updates, sundan ang @abscbnpr sa Facebook, X (Twitter), Instagram, TikTok, o bisitahin ang corporate.abs-cbn.com/newsroom.