Coming of age EP mula sa “The Voice Teens Philippines” season 2 champ
Ganap nang recording artist ang “The Voice Teens Philippines” season 2 champion na si Kendra Aguirre matapos ilunsad ang kanyang debut extended play (EP) na “Life These Days.”
Tampok sa mini album ang paningin ng kabataan sa tema ng pag-ibig, pagkabigo, at pagkalito sa takbo ng buhay. Ilan sa mga awitin nito ay “Life These Days,” “Stuck,” “Call,” “Crazy Over You,” at “Gagaan Na Muli” na isinulat ni Kendra at iprinodyus ni Josh Angan.
“Younger me would never believe that the song she wrote about her crush, her first heartbreak at 16, and the other songs she wrote alone in her room in front of her piano would be released. I hope that they will resonate with everyone who gives this EP a chance to be heard and have them felt heard and understood in return,” saad niya sa Instagram post.
Sa key track na “Stuck,” ibinahagi ni Kendra ang hindi malimutan lumipas na pag-ibig at kung paano mag-iiba ang sitwasyon kung maaari niyang baguhin ang mga alaala.
Unang nakilala si Kendra nang maging grand winner siya ng “The Voice Teens PH” season 2 sa tulong ng kanyang mentor na si Sarah Geronimo. Naging bahagi rin siya ng cast ng children’s TV show na “Team Yey.” Nagbalik naman si Kendra sa telebisyon nang sumabak siya sa Hide and Sing segment ng “It’s Showtime.”
Napapakinggan ang “Life These Days” EP ni Kendra sa iba’t ibang streaming platforms. Para sa ibang detalye, sundan ang StarPop sa Facebook, X (Twitter), Instagram, at TikTok.
Para sa iba pang updates, sundan ang @abscbnpr sa Facebook, X (Twitter), Instagram, at TikTok o bisitahin ang corporate.abs-cbn.com/newsroom.