Special movie lineup for Father's Day and Pride Month are also airing this month on Cinema One.
Father’s Day at Pride Month movie marathons, mapapanood din ngayong buwan
Balikan ang ilan sa hindi malilimutang pelikula ng “It’s Okay to Not be Okay” star na si Joshua Garcia sa Blockbuster Sundays ng Cinema One ngayong Hunyo.
Saksihan ang kanyang on-screen team up kasama si Julia Barretto tuwing Linggo, 7pm sa “Love You to the Stars and Back” sa Hun. 8, “Vince & Kath & James” sa Hun. 15, “I Love You, Hater” sa Hun. 22, at “Block Z” sa Hun. 29.
Bibida naman ang “Only We Know” star na si Dingdong Dantes sa isang month-long movie marathon tuwing Sabado, 7pm. Abangan ang Kapuso aktor bilang hopeless romantic na si Wacky sa “She’s The One” sa Hun. 7, mapagmahal na ama na si Edward sa “One More Try” sa Hun. 14, ang matalino at witty na si Johnson sa “Kimmy Dora and the Temple of Kiyeme” sa Hun. 22, at unang asawa na si Geoff sa “The Unmarried Wife” sa Hun. 28.
Handog din ng Cinema One ang espesyal na movie marathon para sa pagdiriwang ng Father’s Day ngayong buwan. Huwag palampasin sa Hun. 15 (Linggo) ang “The Super Parental Guardians” nina Vice Ganda at Coco Martin, “Three Words to Forever” ni Richard Gomez, “Seven Sundays” ni Ronaldo Valdez, “Kung Mawawala Ka Pa” ni Christopher De Leon, “Home Along da Riles da Movie” ni Dolphy, at iba pa.
Samantala, iba’t ibang makukulay na queer films ang tampok sa Rainbow Festival ngayong Pride Month na mapapanood sa Hun. 28 (Sabado). Saksihan ang kwento ng “Fantastica” ni Vice Ganda, “In My Life” nina Vilma Santos, Luis Manzano, at John Lloyd Cruz, “Bromance: My Brother’s Romance” ni Zanjoe Marudo, “Markova: Comfort Gay” nina Dolphy, Epi Quizon, at Eric Quizon, “Manay Po” nina Cherry Pie Picache at John Prats, at iba pang pelikula.
Available ang Cinema One, ang tahanan ng Filipino blockbuster movies, sa SKYcable ch. 56, Cignal ch. 45, GSat Direct TV ch. 14, at iba pang local cable service providers. Para sa karagdagang detalye, sundan ang Cinema One sa Facebook, X (Twitter), Instagram, TikTok, at YouTube.
Para sa iba pang updates, sundan ang @abscbnpr sa Facebook, X (Twitter), Instagram, TikTok, o bisitahin ang corporate.abs-cbn.com/newsroom.