Joshua, Kim, FranSeth, wagi
Humakot ng 11 parangal ang ABS-CBN sa 37th Star Awards for Television ng Philippine Movie Press Club (PMPC) na ginanap kamakailan.
Pinarangalan si Joshua Garcia bilang Best Drama Actor para sa kanyang pagganap bilang Renz Isidro, isang nurse na nakabase sa Switzerland sa romance drama na “Unbreak My Heart.” Pinarangalan din siyang Male Celebrity of the Night at Face of the Night.
Wagi ng Best Variety Show ang number one noontime program na “It’s Showtime,” habang tinanggap naman ni Kim Chiu ang Best Female TV Host na parangal. Kinilala rin si Robi Domingo bilang Best Male TV Host.
Ang beteranang aktres na si Cherry Pie Picache ay pinangalanang Best Supporting Actress para sa kanyang mahusay na pagganap bilang Marites Dimaguiba sa hit action-drama series na “FPJ’s Batang Quiapo.”
Nakatanggap din sina Francine Diaz at Seth Fedelin ng espesyal na pagkilala, ang German Moreno Power Tandem of the Year, para sa kanilang nakakakilig na on-screen chemistry.
Samantala, kinilalang Best Supporting Actor at Best New Female TV Personality sina Elijah Canlas at Gela Atayde para sa kanilang pagganap bilang Archie Aguerro at Sanya Alba sa mystery teen drama na “Senior High.”
Wagi rin ang beteranang broadcast journalist at “TV Patrol” host na si Karen Davila ng prestihiyosong Best Female Newscaster na parangal. Ang Star Awards for Television ng PMPC ay kumikilala sa mga natatanging programa at personalidad sa bansa.
Para sa updates sundan ang @abscbnpr sa Facebook, Twitter, Instagram, at TikTok, o bisitahin ang corporate.abs-cbn.com/newsroom.
