“Hello, Love, Again,” “Saving Grace” nominado!
Umani ng limang nominasyon ang ABS-CBN para sa world-class nitong mga pelikula, programa, at Kapamilya stars sa prestihiyosong ContentAsia Awards 2025.
Nominado para sa Best Movie or Telemovie Made in Asia ang blockbuster na “Hello, Love, Again” na pinagbidahan nina Kathryn Bernardo at Alden Richards, habang nominado rin ang theme song nitong “Palagi” na inawit nina KZ Tandingan at TJ Monterde para sa Best Original Song Created in Asia for an Asian TV Series/Programme or Movie.
Kalahok din para sa Best TV Format Adaptation (Scripted) in Asia ang drama series nitong “Saving Grace,” habang ang child star na si Zia Grace ay nominado para sa Best Supporting Actress in a TV Programme/Series Made in Asia.
Samantala, si Jericho Rosales, na gumanap bilang Tyrone de Vera sa “Lavender Fields,” ay nakakuha rin ng nominasyon para sa Best Male Lead in a TV Programme/Series Made in Asia.
Ang ContentAsia Awards ay nagbibigay-parangal sa mga huwaran sa entertainment industry sa rehiyon. Papangalanan ang mga magwawagi sa Setyembre 4.
Para sa iba pang updates, sundan ang @abscbnpr sa Facebook, X (Twitter), Instagram, at TikTok o bisitahin ang corporate.abs-cbn.com/newsroom.