“Karaokeyyy,” “Off The Record,” “at “The Playroom” napapanood dito
Umabot na sa 10 million ang subscribers ng ABS-CBN Star Music YouTube channel habang nananatili itong most subscribed record label channel sa bansa.
Nagsimula ang ABS-CBN Star Music sa YouTube noong Marso 30, 2009. Ang “Para Lang Sa’yo” ni Ice Seguerra at “Ayos Na Ang Buto-Buto” ni Vhong Navarro ang mga naunang video na napanood dito.
Sa loob ng nagdaang 16 taon, nagsilbi itong go-to channel para sa mga nangungunang music content mula sa teleseryes ng ABS-CBN, performance videos, music videos, at lyric videos.
Ilan naman sa most viewed content nito ang “Ikaw” music video ni Yeng Constantino (153M) at ilang videos mula kina Inigo Pascual, Vina Morales, Denise Laurel, KZ Tandingan, Michael Pangilinan, BINI, Moira Dela Torre, Jona, Gigi De Lana, Klarisse De Guzman, Gloc-9 at Erik Santos.
Iba pang exclusive content na mapapanood sa nasabing channel ang “Karaokeyyy” tampok ang ABS-CBN Music artists na umaawit ng latest OPM hits; “Off The Record” na isang behind-the-scenes series na may twist; at “The Playroom” kung saan napapanood ang live performances ng Kapamilya talents ng kanilang original songs at covers.
Bisitahin at mag-subscribe na sa ABS-CBN Star Music YouTube channel para sa latest music, OPM favorites, at iba pang eksklusibong content. Para sa karagdagang detalye, sundan ang Star Music PH sa Facebook, X (Twtter), Instagram, TikTok, at YouTube.
Para sa iba pang updates, sundan @abscbnpr sa Facebook, X (Twitter), Instagram, at TikTok, o bisitahin ang corporate.abs-cbn.com/newsroom.