Apat na bahagi ng buhay ni Marlo tampok sa isang body of art
Inilunsad na ng Kapamilya singer-actor na si Marlo Mortel ang pangalawa niyang album na tinawag na “The Artist” at itinuturing niyang personal exhibit ng kanyang mga karanasan.
“Listening to ‘The Artist’ is more than just streaming music; it’s walking through an art gallery. It explores four sides of my life, split into four exhibits, waiting for you to interpret and immerse yourself in,” sabi ni Marlo sa isang social media post.
Naglalaman ang album na mula sa Star Music ng 10 kanta na pasilip sa apat na anggulo na bumubuo sa pagkatao niya: life (buhay), game (laro), love (pag-ibig), at pain (sakit).
Aniya, “Just like the songs that ‘made the cut,’ each one came from personal experiences that shaped me.”
“Wala Nang Iba” ang nagsisilbing key track ng album na tungkol sa natatanging pagmamahal sa isang tao na hindi maikukumpara sa iba.
Tampok din sa “The Artist” ang kolaborasyon ni Marlo kay Krissee na “Manhid” at kantang tampok si KD Estrada na “On My Way.” Ilan pa sa awitin nito ang “Good Karma,” title track na “The Artist,” Laro-laro, Habol-habol,” “Tag-init,” “Adik Na Rin,” “Dito Ka Lang,” at “Huling Ngiti.”
Umani na agad ang album ng mahigit sa 100,000 all-time streams sa Spotify sa kasalukuyan.
Sinusundan ng “The Artist” ang “Serye” album ni Marlo, na nagtatampok sa hit song niya na “Sana Ikaw Na Nga,” na naging bahagi ng soundtrack ng “Pinoy Big Brother Otso” at “The General’s Daughter.”
Kilalanin pa si Marlo sa pamamagitan ng “The Artist” album na napapakinggan na ngayon sa music streaming platforms. Para sa karagdagang detalye, sundan ang Star Music PH sa Facebook, X (Twitter), Instagram, TikTok, at YouTube.
Para sa iba pang updates, sundan ang @abscbnpr sa Facebook, X (Twitter), Instagram, at TikTok, o bisitahin ang corporate.abs-cbn.com/newsroom.
