Maki-sayaw at maki-kanta kina Maki, IV of Spades, Bamboo, at lead stars ng bagong serye ng ABS-CBN na “What Lies Beneath” sa “ASAP” ngayong linggo (Oktubre 12).
Walang humpay na kilig ang dala ni Maki at Bamboo sa kanilang solo performances. Samantala, nagbabalik sa “ASAP” stage ang banda na IV of Spades.
Bongga rin ang kantahan na hatid ng lead stars ng “What Lies Beneath” na sina Janella Salvador, Sue Ramirez, Kaila Estrada, at Charlie Dizon.
Isang kolorcoaster opening number ang dapat abangan mula kina Maki, Darren, Gary Valenciano, Regine Velasquez, Martin Nievera, Erik Santos, at Angeline Quinto.
‘Wag din palalampasin ang pangmalakasang concert divas number nina Morissette Amon, Jona, at Kyla. Hindi rin magpapahuli ang solo performances ng hiphop rapper na si J Rose.
Nag-uumapaw naman ang kasiyahan sa dance showdown nina AC, Ken San Jose, Ice Almeria, Michelle Garcia, at Legit Status.
Fresh na fresh naman ang performance na hatid ng DNA sa kanilang “ASAP” debut kasama sina Regine at ang 6 Axis Dancers. Samantala, maghanda rin kiligin sa birthday performance ni Erik.
Pasabog naman ang finale performance mula kina Gary, Martin, Regine, Erik, Angeline, Darren, Morissette, at ng ASAP Chorale.
Magsisilbi bilang hosts ngayong Linggo sina Robi, Alexa, Kyle, at Donny.
Lahat ng ito, mapapanood ninyo ngayong Linggo mula sa longest-running at award-winning musical variety show sa bansa, “ASAP,” 12 NN sa local TV sa Kapamilya Channel, Jeepney TV, A2Z, at TV5, online sa Kapamilya Online Live at iWantTFC, at worldwide via TFC.
Para sa updates, sundan ang @abscbnpr sa Facebook, X, Instagram, at TikTok o bisitahin ang www.abs-cbn.com/newsroom.
