Para sa mga hindi pa rin makabitaw
Inilabas na ng Kapamilya singer-songwriter na si Angela Ken at OPM band na Over October ang kanilang collaboration project na pinamagatang “Moved On Last.”
Pinagsanib-pwersa ng Tarsier Records ang “Ako Naman Muna” hitmaker na si Angela at “Ikot” hitmaker na Over October para sa isang pop at contemporary folk song na relatable para sa nananatiling stuck sa pag-ibig at nahihirapang move-on.
Alay ni Angela ang kanta na inilabas noong Miyerkules (Enero 21) para sa mga taong nagmamahal at nahihirapan mag-let go.
“Para ito sa lahat ng mga nagmamahal at hindi mabitawan ang dapat hindi na minamahal,” saad niya.
Samantala, ayon sa Over October, naging madali at parang bakasyon lamang ang naging pagsasama nila ni Angela para sa proyekto.
“The recording process was really smooth and it didn’t feel like anything was being forced in terms of trying to marry our different sounds. Of course, our producer Shad also helped a lot in terms of making this happen. It actually felt like a short vacation since more than recording, we found out that we make a pretty solid 5-man team in Mobile Legends with Angela as our mage hahaha,” kwento ng banda.
Sinusundan ng “Moved On Last” ang “Kulimlim” single ni Angela na inilabas noong nakaraang taon at ang kanyang collaboration single na “Sikulo” kasama sina Maki at Nhiko Sabiniano na nagsilbing soundtrack ng 2025 Metro Manila Film Festival entry na “Love You So Bad.”
Kinilala namang Indie Artist of the Year sa 2025 New Hue Video Music Awards ang Over October na kinabibilangan nina Josh Buizon, Josh Lua, Janessa Geronimo, Anton Rodriguez, at Joric Canlas. Ilan sa kanilang recent songs ang “Dahan” at “Kaakit-akit.”
Napapakinggan na ang “Moved On Last” nina Angela at Over October sa iba’t ibang music streaming platforms. Para sa detalye, sundan ang Tarsier Records sa Facebook, X (Twitter), Instagram, TikTok, at YouTube.
Para sa iba pang updates, sundan ang @abscbnpr sa Facebook, X (Twitter), Instagram, at TikTok, o bisitahin ang corporate.abs-cbn.com/newsroom.
