“It’s Showtime” at Kathryn, wagi!
Binigyang pagkilala ang mga personalidad at programa ng ABS-CBN, kabilang si Coco Martin at “FPJ’s Batang Quiapo,” sa kauna-unahang Philippine Academy of Film and Television Arts (PAFTA) Awards na ginanap kamakailan.
Ang primetime hit series na “FPJ’s Batang Quiapo” ay itinanghal na Best Drama Series, habang ang bida nitong si Coco Martin, na gumaganap bilang Tanggol sa serye, ay ginawaran ng Best Drama Actor na pagkilala. Panalo rin si Maris Racal, ang leading lady ni Tanggol na si Ponggay, ng Breakthrough Performance Award.
Wagi rin ang number one noontime show na “It’s Showtime” ng Best Noontime Show, habang si Anne Curtis naman ay kinilala bilang Best Female TV Host.
Tumanggap din ng parangal ang “Pinoy Big Brother 2.0” at naiuwi nito ang Best Reality Show na parangal, habang ang “ASAP” naman ay ginawarang Best Variety Show.
Pinangalanan naman ang ABS-CBN Film Productions, Inc. (Star Cinema) na Producer of the Year, habang si Asia’s Superstar Kathryn Bernardo ay kinilala muli bilang Philippine Box Office Star para sa record-breaking na pelikulang “Hello, Love, Again.”
Kinilala rin ang rising Kapamilya star na si Kai Montinola at tinanggap nito ang PAFTA Youth Icon Award.
Ang Philippine Academy of Film and Television Arts (PAFTA) ay kumikilala sa mga huwarang programa, pelikula, at personalidad sa industriya ng media, at tumutulong itong mas makilala ang talentong Pilipino sa bansa at sa buong mundo.
Para sa iba pang updates, sundan ang @abscbnpr sa Facebook, Twitter, Instagram, at Tiktok o bisitahin ang corporate.abs-cbn.com/newsroom.
