Iba’t ibang yugto ng pag-ibig, tampok sa anim na awitin
Ibinahagi ng “Idol Philippines” season 2 contestant na si Drei Sugay ang pag-aalinlangan niya sa pag-ibig sa kanyang debut extended play (EP) na “Pagsuko/Pagsulong.”
Tampok sa EP ang anim na awitin—“Paglukso,” “Pag-ibig,” “Pagsuko,” “Pagsulong,” “Pagpili,” at “Paghintay”—na sumasalamin sa iba’t ibang yugto at pagsubok ng pag-ibig.
Isinulat at iprinodyus ni Drei ang key track na “Pag-ibig” na tungkol sa pagkawala ng sarili sa labis na pagmamahal. Nakasama niya rin sa pag-compose at produce ng awitin ang Nameless Kids lead vocalist na si Nhiko Sabiniano, habang nagsilbing supervising producer ang StarPop label head na si Roque “Rox” Santos.
Matapos pabilibin ang mga manonood sa “Idol PH,” inilunsad ni Drei ang debut single na “Ganun Talaga” noong 2023 na umani ng mahigit 600,000 streams sa Spotify. Ipinakita niya ang talento sa musika sa iba’t ibang kanta tulad ng “Aking Tangi,” “Iyong Mga Mata,” at “Pano Naman Ako.”
Ipinakilala naman kamakailan si Drei bilang isa sa bagong idol trainees ng Star Hunt Academy. Bukod sa musika, gumanap din siya bilang Fonzi sa “Tabing Ilog: The Musical.”
Napapakinggan ang “Pagsuko/Pagsulong” EP ni Drei sa iba’t ibang digital streaming platforms. Para sa ibang detalye, sundan ang StarPop sa Facebook, X (Twitter), Instagram, at TikTok.
Para sa iba pang updates, sundan ang @abscbnpr sa Facebook, X (Twitter), Instagram, at TikTok o bisitahin ang corporate.abs-cbn.com/newsroom.
